अभिजीत देशमुख

कल्‍याण : लोकल ट्रेनमध्ये चोरी करण्याच्या संशयावरून दोघा तरुणांना अर्धनग्न करत प्रवाशांनी चोप दिला. याचा धक्कादायक व्हिडिओ सध्या सोशल मीडियावर (Social Media) व्हायरल होत आहे. (Live Marathi news)

सीएसएमटी ते बदलापूर लोकलमध्ये दोन तरुण चोरी करत असल्याचा प्रवाशांना संशय होता. त्यामुळेच प्रवाशांनी या दोघा तरुणांना अर्धनग्न करत चोप दिल्याचे दिसून येत आहे. दरम्यान हा व्हायरल झालेला व्हिडिओ कल्याण रेल्वे पोलिसांकडे देखील आला आहे.

रेल्‍वे पोलिसांकडून तपास सुरू

रेल्वे पोलिसांनी या व्हायरल व्हिडिओच्या माध्यमातून पुढील तपास सुरू केला आहे. सोशल मिडीयावर व्‍हायरल झालेला हा व्हिडिओ कोपर ते डोंबिवली स्थानकादरम्यानचा असल्याचे ट्रेनमध्ये असलेल्या इंडिकेटरवरून दिसत आहे. मात्र हा व्हिडिओ कधीचा आहे? हे मात्र अद्याप समोर आलेले नाही.