अभिजीत देशमुख

कल्याण : समस्यांपासून लक्ष वळवण्यासाठी भाजप शिंदे गटाची ही खेळी सुरू आहे. त्‍यांची युती शंभर टक्के होणार व (Kalyan) कल्याण लोकसभेत शिवसेनेचा (Shivsena) उमेदवार राहणार हे सर्व पुन्हा एकत्र काम करणार असं विधान मनसे आमदार राजू पाटील (Raju Patil) यांनी पत्रकारांशी बोलताना केले. (Live Marathi News)

डोंबिवलीत मनसे पदाधिकाऱ्यांचे प्रशिक्षण शिबिर आयोजित करण्यात आले होते. या शिबिरात मार्गदर्शन करण्यासाठी मनसे आमदार राजू पाटील आले होते. शिंदे गटातील पाच मंत्र्यांना गच्छंती करण्यासाठी भाजप दबाव असल्याची चर्चा राजकीय वर्तुळात रंगली होती. याबाबत मनसे आमदार राजू पाटील यांनी (BJP) भाजपसह शिंदे गटाला टोला लगावला.

काही दिवसांपूर्वी आलेल्या सर्व प्रत्येक सर्वेत शिंदे गटाला कमी स्थान दिले. जनसामान्यांचे समस्यांवरून लक्ष दुसरीकडे वळवण्यासाठी चाललेली ही खेळी आहे. २०१५ ला कल्याण डोंबिवलीत शिवसेना भाजप भांडत होते. नंतर पुन्हा युती केली, हे एकच थाळीचे चट्टेपट्टे आहेत. एका पोलीस (MNS) अधिकाऱ्यावरून एवढे राजकारण करण्याची गरज नाही. गृह खाते यांच्याकडे आहे बदली करायचे आहे तर ते करू शकतात. हा कुठेतरी लक्ष वळवण्याचा प्रयत्न सुरू आहे. इथे पुन्हा शिवसेनेचा उमेदवार देणार आणि शिवसेना भाजप सर्वजण त्याचा प्रचार करणार असे विधान मनसे आमदार राजू पाटील यांनी केले आहे.