अभिजित देशमुख

कल्याण : धावत्या लोकलमध्ये दरवाजावर उभे असलेल्या प्रवाशाच्या हातावर फटका मारत त्याच्या हातातून मोबाईल हिसकावणाऱ्या चोरट्याला कल्याण रेल्वे पोलिसानी (Railway Police) अटक केली आहे. संदीप प्रसाद असं या चोरट्याचे नाव आहे. त्याच्याकडून अशा प्रकारचे चार गुन्हे उघडकीस (Kalyan News)आणले आहेत. झट पट पैसे कमवण्याच्या हव्यासापोटी त्याने चोरी केल्याचे तपासात समोर आले आहे. (Latest Marathi News)

रेल्वे (Railway) स्टेशनलगत लोकलने प्रवास करणाऱ्या प्रवाशांच्या हातावर काठीने फटका मारत मोबाईल चोरी होण्याच्या घटना गेल्या काही दिवसांपासून वाढल्या होत्या. आंबिवलीहून मुंबईच्या दिशेने लोकलच्या दरवाजात उभे राहून प्रवास करणाऱ्या एका प्रवाशाच्या हाताला फटका मारत त्याचा मोबाईल हिसकावल्याची घटना घडली होती. याप्रकरणी कल्याण रेल्वे पोलीस ठाण्यात तक्रार नोंदवण्यात आली होती.

चार गुन्‍हे उघकीस

तक्रारीनुसार कल्याण रेल्वे पोलिसांनी चोरट्याचा शोध सुरू केला. तांत्रिक तपास व खबर्यानी दिलेल्या माहितीच्या आधारे कल्याण लोहमार्ग पोलिसानी संदीप प्रसाद या चोरट्याला बेड्या ठोकल्या. संदीप प्रसाद याच्याकडून अशा प्रकारचे चार गुन्हे उघकीस आणले असून चार मोबाईल जप्त करण्यात आले असल्याची माहिती कल्याण रेल्वे पोलिसांनी दिली.