अभिजीत देशमुख
कल्याण : कल्याण डोंबिवली शहरात रस्त्यावरील खड्ड्यांमुळे नागरिक अक्षरशः त्रस्त झालेत .रस्त्यावरील खड्डे व (Kalyan) महापालिका प्रशासनाच्या गलथान कारभार सुरु आहे. रस्त्यावर पडलेल्या खड्डयामंध्ये पालिकेतील प्रशासकीय अधिकाऱ्यांच्या नावाने दगड टाकत (MNS) मनसेने खड्डे भरो आंदोलन केले. (Breaking Marathi News)

कल्याण डोंबिवली शहरात रस्त्यावरील खड्ड्यांमुळे नागरिक अक्षरशः त्रस्त झाले आहेत. रस्त्यावरील खड्डे व महापालिका प्रशासनाच्या गलथान कारभाराबाबत भाजप आमदार गणपत गायकवाड, मनसे आमदार राजू पाटील इतकेच नव्हे तर सत्ताधारी शिवसेना शिंदे गटाच्या माजी नगरसेवकांनी देखील आक्रमक पवित्रा घेतला. (Dombivli) थेट प्रशासनावर टीका केली होती. यानंतर  महापालिका आयुक्तांनी गणेशोत्सवापूर्वी खड्डे बुजवले जातील असा दावा केला होता. मात्र गणरायाच्या आगमन देखील खड्ड्यातूनच झालं. त्यामुळे आता (KDMC) महापालिका प्रशासनाच्या या गलथाण कारभाराबाबत नाराजी व्यक्त करण्यात येतेय.

मनसे आमदार राजू पाटील यांनी माझ्या वाढदिवसानिमित्त बॅनर लावण्याऐवजी रस्त्यांवरील खड्डे भरा जेणेकरून नागरिकांचे आशीर्वाद तुम्हाला आणि मला लाभतील असं आवाहन मनसे कार्यकर्ते पदाधिकाऱ्यांना केलं होतं. आमदार पाटील यांच्या आवाहनानंतर आज मनसे कार्यकर्त्यांनी कल्याण ग्रामीण भागातील निळजे परिसरात स्वखर्चाने रस्त्यांवर खड्डे बुजवण्यात सुरुवात केली. आंदोलनादरम्यान आयुक्तांच्या नावाने मोठे मोठे दगडं खड्ड्यांमध्ये टाकत महापालिकेचा निषेध नोंदवण्यात आला.