अभिजित देशमुख
कल्याण : कल्याण जवळील मोहेली परिसरात असलेल्या केडीएमसीच्या जलशुद्धीकरण केंद्रात कंत्राटी कामगाराने (Kalyan) आत्महत्या केल्याची घटना मध्यरात्रीच्या सुमारास समोर आली. दुर्गाप्रसाद वर्मा असे या कंत्राटी कामगाराचे नाव आहे. या प्रकरणी (Police) पोलिसांकडून तपास सुरु करण्यात आला आहे. (Latest Marathi News)

जलशुद्धीकरण केंद्रात दुर्गाप्रसाद वर्मा गेल्या दहा वर्षापासून ऑपरेटर पदावर काम करत होता. नेहमीप्रमाणे दुर्गाप्रसाद काल रात्रीच्या सुमारास रात्रपाळीसाठी कामावर आला. या दरम्यान त्याने केडीएमसीच्या जलशुद्धीकरण केंद्रात गळफास घेत आत्महत्या केली. सोबत असलेल्या काही कर्मचाऱ्यांच्या हा प्रकार लक्षात आला. यानंतर याप्रकरणी टिटवाळा पोलिसांना माहिती देण्यात आली. माहिती मिळताच पोलिसांनी घटनास्थळी धाव घेत त्याचा मृतदेह ताब्यात शवविच्छेदनासाठी पाठवला. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

कौटुंबिक वादातून टोकाचे पाऊल?

मृतदेहाचा पंचनामा करून पोलीसांकडून याप्रकरणी तपास सुरु केला आहे. दुर्गाप्रसाद वर्मा याने कौटुंबिक वादातून आत्महत्या केल्याचा संशय व्यक्त केला जात आहे. परंतु पोलीस तपासात आत्महत्येचे कारण समोर येणार आहे.