Pandhrpur News : मनसेकडून पालकमंत्र्यांच्या फोटोला गोवऱ्यांचा हार; दूध दरवाढीसाठी आंदोलन

पंढरपूर : राज्यभरात दूध दरवाढीचा प्रश्न सध्या ऐरणीवर आला आहे. अशातच आता मनसेनेही दूध दर वाढ आंदोलनात उडी घेतली आहे. दूध दरवाढीच्या मागणीसाठी (Pandharpur) पंढरपूर जवळच्या मोडनिंब येथे मनसेच्यावतीने (Radhakrishna Vikhe Patil) दुग्ध विकास मंत्री राधाकृष्ण विखे पाटील यांच्या प्रतीकात्मक फोटोला शेणाच्या गोवर्यांचा हार घालून आंदोलन केले. (Tajya Batmya)

दुधाच्या दरात (Milk Price) वाढ व्हावी यासाठी राज्यभरात आंदोलन सुरु करण्यात आले आहे. गाईच्या दुधाला चाळीस रुपये तर म्हशीच्या दुधाला प्रति लिटर ६० रुपये दर मिळावा, या मागणीसाठी मनसेचे जिल्हाध्यक्ष प्रशांत गिड्डे यांच्या नेतृत्वाखाली दूध उत्पादक (Farmer) शेतकऱ्यांनी आज आंदोलन केले. या आंदोलनात मनसेच्या कार्यकर्त्यांनी मंत्री राधाकृष्ण विखे पाटील यांच्या फोटोला गोवऱ्यांचा हार घालून निषेध केला. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

शेतकऱ्यांनी रस्त्यावर ओतले दूध 

मनसेने केलेल्या आंदोलनात परिसरातील शेतकऱ्यांचा देखील सहभाग होता. या आंदोलना दरम्यान शेतकऱ्यांनी सरकारच्या निषेधार्थ रस्त्यावर दूध ओतले. तसेच सरकारच्या विरोधात घोषणाबाजी केली.