अभिजीत देशमुख
कल्याण : कल्याण पूर्वेत सराईत गुन्हेगारांच्या दोन टोळ्यांमध्ये जोरदार राडा झाला. दहशत पसरवण्यासाठी या टोळक्याने रस्त्यात उभे असलेल्या चार ते पाच गाड्यांची तोडफोड केली. घटनेची माहिती मिळताच कोळशेवाडी पोलीस घटनास्थळी दाखल झाले. पोलिसांनी गुन्हा दाखल करत याप्रकरणी दोन जणांना अटक केली. तर इतर फरार आरोपींचा शोध सुरू आहे. 

कल्याण (Kalyan) पूर्व येथील खडेगोळवली परिसरातील साईनगर येथे दोन टोळ्यांमध्ये जोरदार राडा झाल्याची घटना रात्रीच्या सुमारास घडली. नायडू गॅंग व दही चुहा गँग या टोळ्यांमध्ये वर्चस्वाच्या लढाईतून हा राडा केला. या राड्या दरम्यान रस्त्यावर उभ्या असलेल्या कार, रिक्षा, दुचाकी अशा चार ते पाच गाड्यांची तोडफोड (Crime News) केली आहे. घटनेची माहिती मिळताच राजकीय पदाधिकारी देखील घटनास्थळी दाखल झाले. याबाबत पोलिसांना माहिती मिळताच पोलीस देखील घटनास्थळी दाखल झाले. 

कल्याण पूर्वेत खडेगोळवली परिसरात नायडू गँग आणि आणि दही गँग यांच्यात वाद आहे. या दोन्ही गॅंगमधील अनेक संशयित सध्या जेलमध्ये आहेत. कोळशेवाडी (Police) पोलिसांनी याप्रकरणी गुन्हा दाखल करत तुषार वाल्मिकी व अरविंद नायडू या दोन जणांना अटक केली आहे. या दोघांविरोधात गंभीर स्वरूपाचे गुन्हे दाखल आहेत. तर पोलीस इतर आरोपींच्या शोध घेत आहेत. कोळशेवाडी पोलीस ठाण्याचे वरिष्ठ पोलीस निरीक्षक अशोक कदम यांनी या सर्व आरोपी विरोधात एनपीडीए व मोक्का अंतर्गत कारवाई केली जाणार असल्याचे सांगितले.