अभिजित देशमुख 
कल्याण : एका खाजगी कंपनीत डिलिव्हरी बॉय म्हणून काम करत असतात शहरात दुचाकी चोरी करण्याचे काम एका तरुणांकडून सुरु होते. दरम्यान एक दुचाकी चोरी करत असताना सीसीटीव्ही कॅमेरात कैद झाला असता हा चोरटा पोलिसांच्या ताब्यात सापडला आहे. त्याच्याकडून पोलिसांनी दोन दुचाकी व एक रिक्षा हस्तगत केली आहे. 

कल्याणचा (Kalyan) महात्मा फुले पोलिसांनी या सराईत दुचाकी चोरट्याला अटक केली आहे. कुणाल साबळे असे या चोरट्याचे नाव आहे. कुणाल हा एका खाजगी कंपनीत डिलिव्हरी बॉयचे काम करायचा. मात्र त्याचा खरा धंदा गाडी चोरण्याचा होता. गणेशोत्सव दरम्यान पोलीस बंदोबस्तात असल्याची संधी साधत कुणालने दुचाकी, रिक्षा चोरण्याचा सपाटा लावला. या प्रकरणी पोलिसात (Police) तक्रार दाखल झाली असता पोलिसांकडून तपास सुरु होता. 

दरम्यान या तपासादरम्यान कल्याण पश्चिमेतील एका नामांकित हॉटेल समोर पार्क केलेली बाईक चोरतानाचा सीसीटीव्ही पोलिसांच्या हाती लागला आणि कुणाल पोलिसांच्या जाळ्यात सापडला. कल्याण पूर्व येथील चक्की नाका परिसरात राहणारा कुणाल याने याआधी देखील गाड्या चोरी केल्याचा संशय पोलिसाना असून महात्मा फुले पोलीस करीत आहेत.