नवी दिल्ली : केंद्रीय अर्थमंत्री निर्मला सितारामन यांनी आज अर्थसंकल्प 2022 (Budget 2022) सादर केला. यामध्ये त्यांनी अनेक मोठ मोठ्या घोषणा केल्या आहेत मात्र विरोधकांकडून यावरती टीका केली जात आहे. आजचा हा अर्थसंकल्प नव्हे तर निवडणूक संकल्प असल्याची टीका जलसंपदा मंत्री जयंत पाटील (Jayant Patil) यांनी केली आहे.

आज सीतारामन यांनी सादर केलेल्या अर्थसंकल्पात देशातील पायाभूत सुविधांसाठी यावेळी मोठ्या घोषणा केल्या आहेत. तसंच देशात आता नव्या ४०० वंदे भारत रेल्वे सुरु करणार आहेत तर जवळपास ६० लाख नव्या नोकऱ्या निर्माण करण्याचा सरकारचा संकल्प असल्याचही त्यांनी यावेळी सांगितलं.

मात्र त्यांनी केलेल्या या अर्थसंकल्पामध्ये नोकरदार वर्गाची मोठ्या प्रमाणावरती निराशा झाली आहे. कारण यामध्ये आयकर कर प्रणालीमध्ये कोणत्याही प्रकारती बदल करण्यात आलेला नाही.

आणि यावरुनच आता विरोधकांच्या टीका या अर्थसंकल्पावरती होत आहेत, राष्ट्रवादीचे जेष्ठ नेते तथा जलसंपदा मंत्री जयंत पाटील यांनी ट्विट करत हा अर्थसंकल्प नव्हे निवडणूक संकल्प असल्याची टीका केली आहे.

Edited By - Jagdish Patil