विजय पाटील, सांगली

सांगली जिल्ह्यातील जत विधानसभा मतदारसंघात भाजप विरुद्ध काँग्रेस अशी थेट लढत होत आहे. लोकसभा निवडणुकीच्या वेळी देखील काँग्रेसचा दबदबा येथे पाहायला मिळाला. या निवडणुकीतही काँग्रेसच्या उमेदवाराचं पारडं जड असल्याचं मानलं जात आहे.

जतमध्ये विक्रमसिंह सावंत हे काँग्रेसचे संभाव्य आमदार असतील. भाजपचे उमेदवार गोपीचंद पडळकर यांनी त्यांच्यासमोर आव्हान निर्माण केलं होतं. विधानपरिषदेचे आमदार पडळकर यांनी तगडी लढत दिली. पण एक्झिट पोलच्या अंदाजानुसार, सावंत हे आमदार होऊ शकतात.

जत विधानसभा मतदारसंघात भाजपमध्ये बंडखोरी झाली आहे. स्थानिक उमेदवार आहेत त्यांनाच उमेदवारी मिळावी यासाठी मोठा विरोध झाला. भाजपने पडळकर यांना उमेदवारी दिली. त्यानंतर बंडखोरी झाली. त्यामुळे भाजपला मोठा बसू शकतो. काँग्रेसचे विक्रमसिंह सावंत विरुद्ध पडळकर अशी लढत असतानाही बंडखोर उमेदवार रवी तमन गोंडा यांनी त्यांच्यासमोर आव्हान उभे केले. तिहेरी लढतीत बंडखोरीचा फायदा काँग्रेसच्या उमेदवाराला होऊ शकतो, असे सांगण्यात येत आहे.

आता प्रत्यक्ष निकालाच्या दिवशीच चित्र स्पष्ट होईल. एक्झिट पोलचे आकडे किंवा अंदाज प्राथमिक आहेत. आता २३ तारखेला आमदारकीची माळ कुणाच्या गळ्यात पडते, मतदार कुणाला पसंती देतात हे निश्चित होईल.