यावल (जळगाव) : यावल तालुक्यातील मनवेल गावातील २५ वर्षीय तरुणीने घरात ओढणीने गळफास घेत (Jalgaon) जीवनयात्रा संपविली. गळफास घेतल्याचे निदर्शनास येताच तिला यावल ग्रामीण रुग्णालयात दाखल करण्यात आले. (Yawal) मात्र डॉक्टरांनी तपासणी करून तिला मृत घोषित केले. (Tajya Batmya)

मनवेल (ता. यावल) गावात वास्तव्यास असलेली पुष्पा जितेंद्र कोळी (वय २५) ही तरुणी २२ जानेवारीला घरी एकटीच होती. या दरम्यान तिने सायंकाळी घरातील लाकडी दांडीला ओढणी बांधून गळफास घेत आत्महत्या केली. हा प्रकार कुटुंबाच्या निदर्शनास येताच तातडीने यावल पोलिसांना माहिती देण्यात आली व तरुणीस यावल ग्रामीण रुग्णालयात आणण्यात आले. या ठिकाणी डॉ. प्रशांत जावळे यांनी तपासणी करून तिला मृत घोषित केले. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

आत्महत्येचे कारण अस्पष्ट 

पुष्पा कोळी हिने टोकाचे पॉल कोणत्या कारणाने उचलले हे अद्याप समोर आलेले नाही. यावल पोलिस (Police) ठाण्यात देविदास कोळी यांनी दिलेल्या खबरीवरून अकस्मात मृत्यूची नोंद करण्यात आली. पोलिसांकडून तपास सुरु करण्यात आला आहे.