जळगाव : गंभीर आजार असल्याने उपचारासाठी पैसे लागत असल्याने उसनवारीने एकजणांकडून १ लाख रूपये घेतले. मात्र हि रक्कम परत न करता एका ४४ वर्षीय व्यक्तीची फसवणूक करण्यात आली आहे. तर पैसे परत मागितल्यानंतर ठार मारण्याची धमकी दिल्याचा प्रकार जळगाव शहरात उघडकीस आला आहे. या प्रकरणी फसवणुकीचा गुन्हा दाखल करण्यात आला आहे.

जळगाव शहरातील सम्राट कॉलनी येथे वास्तव्यास असलेले अनिल अर्जून महाले (वय ४४) यांचे इलेक्ट्रॉनिक दुकान आहे. हे दुकान चालवूनच ते आपला कुटुंबाचा उदरनिर्वाह करतात. दरम्यान त्यांच्या ओळखीतला शहरातीलच ज्ञानदेव नगरातील धनराज आत्माराम पवार (वय ३३) याने १८ ऑक्टोबर २०२१ ला आपल्याला गंभीर आजार असल्याचे सांगून अनिल महाले यांच्याकडून १ लाख रूपये उसनवारीने घेतले. 

स्टॅम्प पेपरही दिला लिहून 

दरम्यान एक लाख रुपये दिल्याचा काही पुरावा रहावा या अनुषंगाने धनराज याने अनिल यांना एक लाख रुपये घेतल्याचे १०० रुपयांच्या स्टॅम्प पेपरवर लिहून दिले होते. यासाठी काही कालावधी ठरविण्यात आला होता. दरम्यान अनिल यांनी धनराज याच्याकडे उसनवारीने दिलेल्या पैशांची मागणी केली. मात्र धनराज यांच्याकडून पैसे देण्यास टाळाटाळ केली जात होती. असा प्रकार वारंवार घडत होता. 

पैसे मागितल्याने जीवे मारण्याची धमकी 

दरम्यान अनिल महाले यांनी वेळोवेळी पैसे मागितले असता देत नव्हते. दरम्यान एक दिवशी पैसे मागत असल्याने अनिल यांना धनराज पवार यांनी ठार मारण्याची धमकी देऊन फसवणूक केली. हा प्रकार घडल्यानंतर अनिल महाले यांनी एमआयडीसी पोलिस ठाण्यात फिर्याद दिली. त्यानुसार २८ जानेवारीला दुपारी दोनला संशयित धनराज पवार यांच्याविरोधात गुन्हा दाखल करण्यात आला आहे. पोलिस उपनिरीक्षक राजेंद्र उगले तपास करीत आहेत.