अमळनेर (जळगाव) : बदलीच्या ठिकाणी जाणाऱ्या आर्मीच्या वाहनाचे मागील फाटक अचानक तुटले. या (Accident) अपघातात लोण (ता. अमळनेर) येथील सैनिकाला (Soldier Death) वीर मरण आले. हा अपघात मंगळवारी (१६ मे) सकाळी साडेअकराच्या सुमारास झाला. (Latest Marathi News)

लोण (ता. अमळनेर) येथील लिलाधर नाना पाटील (वय ४२) हे आसाममधील गुवाहाटी येथे सैन्यदलात नोकरीला होते. त्यांचा कार्यकाळ संपल्यानंतर त्यांनी दोन वर्षे वाढवून घेतले होते. (Aasam) आसामहून ४०० किलोमीटरवर असलेल्या अरुणाचल प्रदेशात त्यांची बदली झाली होती. आर्मीच्या ट्रकमध्ये २० जणांची तुकडी नेली जात होती. लिलाधर हे मागे बसले होते.

खाली पडल्‍याने डोक्‍याला मार

पहाडी रस्त्यात अचानक ट्रकचे मागील फाटक तुटल्याने लिलाधर पाटील हे खाली पडले. यात त्‍यांना दगडाचा मार लागल्याने ते जागीच ठार झाले. त्यांचे शव गुरुवारी (ता. १८) सकाळी लोण येथे आणण्यात येणार असून, शासकीय इतमामात त्यांच्यावर अंत्यसंस्कार करण्यात येणार आहेत. त्यांच्या पश्चात पत्नी, आईवडिल, मुलगा व मुलगी असा परिवार आहे.