जळगाव : रावेर लोकसभा मतदार संघात रक्षा खडसे यांच्या समवेत माजी खासदार हरिभाऊ जावळे यांचे चिरंजीव (Jalgaon) व भाजपा जिल्हाध्यक्ष अमोल जावळे हे उमेदवारीसाठी चर्चेत होते. मात्र अमोल जावळे यांना उमेदवारी न मिळता खासदार रक्षा खडसे (Raksha Khadse) यांना तिसऱ्यांदा उमेदवारी जाहीर केल्याने (Raver) रावेर, यावल तालुक्यात जावळे समर्थक कार्यकर्त्यांनी नाराजी व्यक्त करत आपले राजीनामे दिले आहेत. (Latest Marathi News)

जळगाव जिल्ह्यातील रावेर लोकसभा मतदार संघातून माजी खासदार (कै.) हरिभाऊ जावळे यांचे चिरंजीव अमोल जावळे हे देखील (BJP) भाजपचे एकनिष्ठ कार्यकर्ते आहेत. हरिभाऊ जावळे यांच्या निधनानंतर मतदार संघात भाजपचे काम अमोल जावळे यांनी  भाजपने त्यांच्यावर विश्वास दाखवत जिल्हाध्यक्ष पदाची जबाबदारी दिली. यानंतर या पंचवार्षिक निवडणुकीत लोकसभेसाठी अमोल जावळे यांचे देखील नाव चर्चेत होते. (Jalgaon Political News) दरम्यान लोकसभा निवडणुकीसाठी भाजपने आपली दुसरी ताडी जाहीर केली. यात जावळेंचे नाव नसल्याने कार्यकर्ते नाराज झाले. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

भाजपच्या दुसऱ्या यादीत जळगाव जिल्ह्यातील रावेर लोकसभा मतदार संघातून विद्यमान खासदार रक्षा खडसे यांना तिसऱ्यांदा उमेदवारी जाहीर केली. यामुळे जावळे समर्थक व काही कार्यकर्त्यांनी नाराजी व्यक्त करत थेट राजीनामे दिले आहेत. हे राजीनामे सोशल मीडियावर व्हायरल झाले असून जिल्ह्यात चर्चेचा विषयी झाला आहे. दरम्यान या नाराजी नाट्य संदर्भात रक्षा खडसे यांना विचारले असता त्यांनी सांगितले की अमोल जावळे यांच्याशी बोलणे झाले असून नाराजी दूर होईल; असा विश्वास दिल्याचे सांगितले.