जळगाव : जळगाव शासकीय वैद्यकीय महाविद्यालयांर्गत येत असलेल्या नर्सिंग महाविद्यालयात प्रथम वर्षाचे शिक्षण (Jalgaon) घेणाऱ्या विद्यार्थिनींने गळफास घेऊन आत्महत्या केली. सदरची घटना ७ एप्रिलला सायंकाळी उघडकीस आली. या प्रकरणी जिल्हापेठ (POlice) पोलिस ठाण्यात आकस्मिक मृत्यूची नोंद झाली. (Maharashtra News)

जळगावच्या यावल तालुक्यातील वाडोदा येथील करूणा संतोष बोदडे (वय २२) असे आत्महत्या केलेल्या तरुणीचे नाव आहे. जळगाव येथे शिक्षण घेत असल्याने करुणा हि शहरातील दीक्षितवाडी परिसरात (Jalgaon Medical Collage) मैत्रिणींसह खोली घेऊन वास्तव्यास होती. याच रूममध्ये तिने गळफास घेत आत्महत्या केली. मात्र (Student) विद्यार्थिनीच्या आत्महत्येचे कारण कळू शकले नाही. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मैत्रिणी गावाला गेल्याने करूणा ही रूमवर एकटीच होती. यात तिने सायंकाळी छताला ओढणीने गळफास घेऊन आत्महत्या केली. तिची एक मैत्रिण सायंकाळी पाचला खोलीवर आली. यावेळी खोलीचे दार आतून बंद असल्याने बराच वेळ दरवाजा ठोठावला. मात्र, प्रतिसाद मिळत नाही, म्हणून मागच्या दरवाजातून डोकावून पाहिले असता, करूणा गळफास घेतलेल्या अवस्थेत आढळून आली. याबाबत घरमालकांनी जिल्हापेठ पोलिसांना माहिती दिली. त्यावरून पोलिस कर्मचाऱ्यांनी घटनास्थळी जात पंचनामा केला व मृतदेह शासकीय रुग्णालयात नेला. मात्र करुणाने आत्महत्या का केली, याचे कारण समजू शकलेले नसून पोलिस याचा तपास करत आहेत.