जळगाव : हतनुर धरणक्षेत्रात पडत असलेल्या पावसामुळे धरण भरले आहे. आज सकाळी धरणाचे ४१ दरवाजे पुर्ण उघडण्यात आले आहे. यामुळे तापी नदीला पुर आला आहे. (Tapi River) तापी नदी काठच्‍या गावांना प्रशासनातर्फे सतर्कतेचा इशारा देण्यात आला आहे. (Hatnur Dam)

मागील चार– पाच दिवसांपासून कमी अधिक प्रमाणात (Rain) पाऊस सुरू आहे. दरम्‍यान मध्‍यप्रदेश व हतनूर धरणाच्या पाणलोट क्षेत्रात मुसळधार पाऊस (Heavy Rain) झाला आहे. यामुळे धरणाच्या पाण्याच्‍या पातळीत वाढ झाली आहे. मागील आठवड्यात धरणाचे २४ दरवाजे उघडण्यात आले होते. यानंतर आज सकाळी सर्व दरवाजे उघडण्यात आले आहे. तापी नदीपात्रामध्ये 1 लाख 25 हजार 156 क्युसेक्स इतका विसर्ग होत आहे.

सतर्कतेचा इशारा

हतनूर धरणाचे (Hatnur Dam) ४१ गेट पूर्ण उघडण्यात आले असून तापी नदीपात्रात 1 लाख 25 हजार 156 क्युसेक्स इतका विसर्ग सोडण्यात आलेला आहे त्यामुळे कोणीही नदी पात्रात जाऊ नये अथवा आपले गुरढोर नदीपात्रात सोडू नये तसेच आवश्यक खबरदारी घ्यावी; असे आवाहन जलसंपदा विभाग व जिल्हा प्रशासन जळगाव यांच्यावतीने करण्यात आले आहे. (Hatnur Dam News Today)