जळगाव : सहायक पोलीस अधिक्षक कुमार चिंथा यांनी स्वतः आज सिंधी कॉलनी परिसरातील भाजीपाला मार्केट मध्ये चालवल्या जाणार्या सट्टापेढीवर छापा (Jalgaon) टाकला. भाजीपाला दुकानातच गुटख्याचे (Gutkha) गोदाम आणि सेाबतच सट्टापेढी चालवली जात असल्याचे निदर्षनास आले असून ४ लाख ६७ हजार १२० रुपयांच्या रोकडसह ७ लाख ८२ हजार ४६४ रुपयांचा गुटख्याचा साठी पोलिसांनी जप्त केला आहे. (Jalgaon news Police Action)

सहायक पोलीस (Police) अधिक्षक कुमार चिंथा यांना शहरातील सिंधी कॉलनी परिसरात खुलेआम सट्टापेठी चालवली जाते. तसेच त्याच ठिकाणी गुटख्याचा मोठ्या प्रमाणाावर साठवणुक करण्यात आल्याच्या माहितीवरुन छाप्याचे नियोजन करण्यात आले. सहाय्यक पोलिस अधीक्षक चिंता यांनी स्वतः या ठिकाणी अचानक छापा टाकला असता त्यांना भाजीपाला मार्केट मधील रमेशचंद्र जेठानंद चेतवाणी, दिपक रमेश चेतवाणी (रा.कंवरनगर) यांच्या खुशी किरणा दुकानात छापा टाकण्यात आला.

रोख रक्‍कमेसह गुटखा जप्‍त

सट्टापेढीतून ४ लाख ६७ हजार १२० रुपयांची रेाकड मिळून आली असून ७ लाख ८२ हजार ४६४ रुपयांचा गुटख्याचा साठा मिळून आला आहे. सहाय्यक पेालिस अधीक्षकांच्या पकातील उपनिरीक्षक दत्तात्रय पोटे, सुनील पाटिल, प्रदिप बोरुळे, प्रमोद कठोरे, विनयकुमार देसले, किरण धनके, महेश महाले, रविंद्र मोतिराया अशांच्या पथकाने पंचानामा करुन एकुण १२ लाख ४९ हजार५८४ रुपयांचा मुद्देमाल जप्त केला आहे. उपनिरीक्षक दत्तात्र्यय पोटे यांच्या तक्रारीवरुन एमआयडीसी पेालिसांत संशयीतांच्या विरुद्ध गुन्हा दाखल करण्यात आला आहे.