जळगाव : राज्‍याच्‍या सार्वजनिक आरोग्‍य विभागातील गट ‘ड’ संवर्गातील रिक्‍त पदासाठी आज परीक्षा झाली. जळगाव जिल्‍ह्यातील २७ केंद्रावर परीक्षा झाली असून, कोरोनाच्‍या नियमांचे पालन करून उमेदवारांना प्रवेश दिला. (jalgaon-news-examination-for-‘D-class-of-state-health-department)

महाराष्ट्र राज्याच्या सार्वजनिक आरोग्य विभागातील गट-क आणि गट-ड संवर्गातील रिक्त पदे भरण्याची कार्यवाही सुरू असून त्यातील गट-क संवर्गाची लेखी परीक्षा राज्याच्या १७ जिल्ह्याच्या मुख्यालयी २४ ऑक्टोबरला घेण्यात आली होती. तसेच गट-ड संवर्गाची लेखी परीक्षा आज (३१ ऑक्टोबर) दुपारी २ ते ४ या वेळेत राज्यातील सर्व जिल्ह्यात व काही तालुक्यातील परीक्षा केंद्रांवर घेण्यात आली. नाशिक विभागातील पाचही जिल्हयात गट-ड संवर्गासाठी एकूण ५३ हजार ३२६ इतके परिक्षार्थी नोंदणीकृत असून त्यांच्यासाठी पाचही जिल्हयात एकूण १२९ शाळेमध्ये परीक्षा झाली.

कोरोना नियमांचे पालन

जळगाव जिल्हयात एकूण ७ हजार ९९१ नोंदणीकृत परिक्षार्थी असून २७ शाळांमध्ये नोंदणी करण्यात आलेली आहे. सर्व परिक्षा केंद्रांवर कोविड- १९ च्या पार्श्वभुमीवर सर्व प्रकारची दक्षता घेण्यात आली असुन परिक्षार्थीनींही कोविड नियमाचे पालन करून तसेच प्रत्‍येक परीक्षार्थीची तपासणी करून केंद्रावर प्रवेश दिला.