जळगाव : मामा या नात्याला काळीमा फासणारी घटना जळगावात घडली आहे. १६ वर्षीय अल्पवयीन सख्‍ख्‍या भाचीवर मामानेच अत्याचार केल्याचा प्रकार उघडकीस आला आहे. याप्रकरणी जळगाव तालुका पोलीस ठाण्यात गुन्हा दाखल करण्यात आला आहे. (jalgaon-news-crime-news-girl-torture-uncel-Showing-fear-of-a-knife-on-the-niece)

जळगाव शहरातील तालुका पोलीस स्टेशन हद्दीतील १६ वर्षीय अल्पवयीन मुलगी नातेवाईकांसह वास्‍तव्‍यास आहे. पिडीत मुलगी ही मध्यप्रदेशातील रहिवाशी असून जळगावात नातेवाईकांसोबत मिळेल ते काम करते. तिचा मामा राजाराम बारेलाल कुंजाम (रा. कोल्हे हिल्स) याने आठ दिवसांपुर्वी भाची असलेल्या अल्पवयीन मुलीला चाकूचा धाक दाखवत तिच्यावर अत्याचार केला. तसेच कुणाला सांगितले तर तुला जीवे ठार मारण्याची धमकी देवून शिवीगाळ व मारहाण केली.

रात्री केली अटक

सदर प्रकरणी संशयित राजाराम कुंजाम याच्या विरोधात गुरूवारी (ता. २२) रात्री पोलिसात तक्रार दिली. पिडीत मुलीच्या तक्रारीवरून तालुका पोलीस ठाण्यात पोक्सो कायद्यान्वये गुन्हा दाखल करण्यात आला आहे. संशयित आरोपीला तालुका पोलीसात रात्री अटक केली असून पोलीस उपनिरीक्षक कल्याण कासार पुढील तपास करीत आहे.