जळगाव : अंगात कला असली तर मनुष्‍य काहीही करू शकतो. शेती व्‍यवसाय करणारा चित्रकलेच्‍या आवडीतून नक्षीकाम करण्यास सुरवात केली. आज पितळ, चांदीच्‍या (Silver) पत्र्यावर नक्षीकाम करत आहेत. (jalgaon news Beautiful carvings on brass silver foil)

जळगावातील (Jalgaon) किशोर खडके हे पितळ, चांदीच्या पत्र्यावर नक्षीकाम करतात. त्यांच्या हातून घडणारी कलाकृती पाहून तुम्हाला आश्चर्य वाटेल. किशोर खडके जळगावच्या गोपाळपुऱ्यातील रहिवासी आहेत. पितळ आणि चांदीच्या पत्र्यावर सुंदर नक्षीकाम साकारण्याची कला त्यांना अवगत आहे. गेल्या 17 वर्षांपासून ते हे काम करताय. किशोर खडके यांच्या कुटुंबाचा मूळ व्यवसाय शेती आहे, चित्रकलेची आवड असल्याने या व्यवसायाकडे ते वळले.

विदेशातूनही मागणी

सुरुवातीला त्यांनी चांदीच्या वस्तूंवर कलाकुसर केली. मग ते पितळाच्या पत्र्यावर काम करायला लागले. विविध मंदिरांसाठी देवांची आसने, गाभाऱ्यातील आरास ते बनवू लागले. अनेक मंदिरांमध्ये त्यांनी शिवलिंगही बनवले आहेत. त्यांनी साकारलेल्या कलाकृतींना विदेशातूनही मागणी आहे.