Marathi Sahitya Sammelan: मराठी साहित्य संमेलनाविषयी एक मोठी बातमी समोर येत असून ९७ वे संमेलन जळगाव (Jalgaon) जिल्ह्यातील अमळनेर येथे होणार आहे. आज झालेल्या साहित्य महामंडळाच्या पुण्यातील बैठकीत यावर शिक्कामोर्तब करण्यात आले. या संमेलनासाठी पश्चिम महाराष्ट्रातील सातारा आणि औदुंबर (जि. सांगली) खानदेशातील जळगाव जिल्ह्यात अमळनेर, तर मराठवाड्यातून जालना जिल्ह्यातील प्रस्ताव होता. यामधून अखेर अमळनेरची निवड करण्यात आली आहे. (Latest Marathi News)

याबाबत अधिक माहिती अशी की, 97 व्या अखिल भारतीय मराठी साहित्य संमेलनासाठी (Marathi Sahitya Sammelan) महामंडळातर्फे स्थळनिवड समिती करण्यात आली होती. यामध्ये अखिल भारतीय मराठी साहित्य महामंडळाच्या कार्यवाह डॉ. उज्ज्वला मेहेंदळे, साहित्य महामंडळाचे उपाध्यक्ष श्री. रमेश वंसकर, डॉ. किरण सगर, सुनिताराजे पवार आणि डॉ. नरेंद्र पाठक श्री. प्रदीप दाते, यांचा समावेश होता.

या बैठकीत साहित्य संमेलनस्थळाची निश्चिती झाली असून 97 वे साहित्य संमेलन यंदा साने गुरुजींच्या भूमीत म्हणजेच जळगावच्या अमळनेरमध्ये भरणार आहे.

अमळनेरमध्ये दुसऱ्यांदा साहित्य संमेलन...

जळगाव जिल्ह्यात याआधी १९३६ मध्ये संमेलन झाले होते. माधव त्रिंबक पटवर्धन त्या संमेलनाचे अध्यक्ष होते. १९५२ मध्ये अमळनेरमध्ये कृष्णाजी पांडुरंग कुलकर्णी यांच्या अध्यक्षतेखाली संमेलन झाले होते. त्यानंतर आता अमळनेर शहरात दुसऱ्यांदा हे संमेलन होत आहे. जळगाव शहरात १९८४ मध्ये संमेलन झाले होते. त्या संमेलनाचे अध्यक्षस्थान शंकर रामचंद्र खरात यांनी भूषविले होते. म्हणजेच १९८४ आता हे संमेलन जळगाव जिल्ह्यात होत आहे.