जळगाव : जळगाव– भुसावळ दरम्‍यान राष्ट्रीय महामार्गावरील रेल्वे उड्डाण पुलाजवळ झालेल्‍या अपघातात सावदा येथील दोन जणांचा जागीच मृत्यू झाला. सदर घटना आज सकाळी घडली. (jalgaon-news-accident-news-national-highway-hit-by-unknown-vehicle-two-died-on-the-spot)

सावदा (ता. रावेर) येथील पाटीलपुरा परिसरातील रहिवासी राजेंद्र भादू डोळे (वय ४२) व शेख महेमूद शेख रज्जाक (वय ५३) हे दोघेजण कामानिमित्त मोटार सायकलवरून जळगावला येत होते. दरम्यान, भुसावळच्‍या पुढे आल्‍यानंतर रेल्वे उड्डाण पुलाजवळ त्‍यांना अज्ञात वाहनाने जोरदार धडक दिली. यात दोघेजण जागीच ठार झाले.

दोन्‍ही परिवारांचा आक्रोश

सदर अपघाताची माहिती मिळताच नशिराबाद पोलिसांनी घटनास्थळी जावून पंचनामा केला. यानंतर अपघातातील मृतांचे मृतदेह जळगाव जिल्‍हा रूग्णालयात आणले.‍ येथे दोन्‍ही जणांच्‍या कुटुंबियांनी प्रचंड आक्रोश केला. या संदर्भात नशिराबाद पोलीस स्थानकात गुन्हा दाखल करण्याची प्रक्रिया सुरू आहे.