मुक्ताईनगर (जळगाव) : खडसे म्हणतायेत राजकारणाचा स्तर घसरत चाललाय. पण खडसेंमुळेच राजकारणाचा स्तर खाली घसरलाय. सार्वजनिक भाषणामध्ये अश्लील भाषणे तुम्ही केले. महाराष्ट्रात अत्यंत खालच्या पातळीवर घाणेरडा बोलणारे कोणी असेल तर ते एकनाथ खडसे आहेत; असा आरोप शिंदे गटाचे आमदार चंद्रकांत पाटील केला आहे. 

शिंदे गटाचे आमदार चंद्रकांत पाटील (Chandrakant Patil) एकनाथ खडसेंवर निशाणा साधताना म्हणाले, कि मी एकनाथ खडसेंकडे बघतच नाही. आता त्यांचं शिल्लक राहिलं काय? त्यांच्याकडे बघायची स्थिती राहिलेली नाही. खडसे विषय माझ्यासाठी संपलेला आहे. महिला भगिनी संदर्भात खडसे (Eknath Khadse) मागे काय बोलले; या संदर्भात महाराष्ट्राला माहिती आहे; असेही ते म्हणाले.   

आमदार म्हणूनच इच्छुक 
आमदार म्हणूनच एवढा समाधानी आहे. मात्र कार्यकर्त्यांमध्ये जोश असतो त्यांना वाटतं की आपला नेता मंत्री व्हायला पाहिजे. परंतु मी आमदार म्हणूनच इच्छुक आहे. मला मंत्री होण्याचे स्वप्न पडलेले नाही आणि माझी इच्छा पण नाही. मला संधी मिळाली तर मी आमदार होईल. एकाला मंत्री केला आणि आता दुसऱ्याला मंत्री करण्याचा प्रयत्न सध्या सुरू आहे; असे म्हणत खडसेंचे नाव न घेता त्यांनी टोला लगावला आहे. पण मंत्री होण्याचे सोडा आता समोरच्याला ग्रामपंचायत सदस्य किंवा सरपंच होऊन खडसे कुटुंबियांनी दाखवावे; असेही आमदार पाटील म्हणाले.