जळगाव : सोशल मीडियाच्या जाळ्यात अडकून आमिषाला अनेकजण बळी पडत असतात. मात्र शेअर मार्केटमध्ये गुंतवणूक करत वाढीव मोबदला मिळवून देण्याचे आमिषाला डॉक्टरच अडकल्याचे (Jalgaon) जळगावात समोर आले आहे. वाढीव मोबदल्याच्या आमिषाने डॉक्टराची ७ लाख ४७ हजारात (Fraud) फसवणूक झाल्याचे समोर आले आहे. (Maharashtra News)

जळगाव शहरातील सिंधी कॉलनीतील डॉ. उदासी हॉस्पिटलमधील डॉ. चंदरलाल प्रभुदास उदासी (वय ७०) यांच्याशी इक्षीत व समीर शर्मा नाव सांगणाऱ्या दोन (Cyber Crime) सायबर गुन्हेगारांनी २८ डिसेंबर ते ३ फेब्रुवारी २०२४ काळात वेळोवेळी संपर्क साधला. यात त्यांना ‘ट्रेडिंग इन्व्हेसमेंट’च्या नावाखाली मोबदला देण्याचे सांगण्यात आले. त्यानुसार डॉ. चंदरलाल उदासी हे गुंतवणूक करत गेले. वेळोवेळी त्यांनी एकूण ७ लाख ४७ हजार रुपये गुंतवणूक केली. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

परंतु डॉ. उदासी यांना गुंतवणूक केल्याच्या मोबदल्यात कोणतीही रक्कम मिळाली नाही. त्यामुळे आपली फसवणूक झाल्याचे लक्षात आल्याने डॉ. उदासी यांनी सोमवारी (ता.५) सायंकाळी ५ वाजता जळगाव येथील (Cyber Police) सायबर पोलिस ठाण्यात धाव घेत तक्रार दिली. त्यावरून गुन्हेगारांविरुद्ध फसवणुकीचा गुन्हा दाखल झाला आहे. तपास पोलिस निरीक्षक शिल्पा पाटील करत आहेत.