जळगाव : काकांच्या घरी देवाच्या नवसाचा कार्यक्रमात नाचताना भोवळ येऊन खाली पडला आणि तरुणाचा जागीच मृत्यू (Death) झाल्‍याची धक्कादायक घटना घडली. ही दुर्दैवी घटना पहाटेच्‍या सुमारास (Chopda) चोपडा शहरातील रामपुरा पारधीवाडा येथे घडली आहे. (Live Marathi News)

चोपडा शहरातील रामपुरा (पारधीवाडा) येथे संदीप निळकंठ चव्हाण हा कुटुंबासह वास्तव्यास होता. गुरुवारी संदीप चव्हाण याच्या काकांकडे गावातच देवाच्या नवसाचा कार्यक्रम होता. यामुळे रात्रभर धार्मिक गाण्यांचा कार्यक्रम सुरू होता. या (Jalgaon News) कार्यक्रमात धार्मिक गाण्यांवर संदीप नाचत असताना त्‍याला चक्कर येवून तो जमिनीवर पडला. त्याला तात्काळ चोपडा उपजिल्हा (Hospital) रुग्णालयात दाखल केले. मात्र, रुग्णालयात पोहचण्यापूर्वीच त्‍याचा मृत्‍यू झाला होता. रुग्णालयातील डॉ. प्रसाद पाटील यांनी त्‍यास मृत घोषित केले.

लग्‍नाचा वाढदिवस केला साजरा

मृत्यूच्या काही तासांपूर्वी संदीपने चुलत भावाच्या लग्नाच्या वाढदिवस साजरा केला होता. या कार्यक्रमानंतर तो काकाकडे देवाच्‍या कार्यक्रमात गेला होता. येथेच त्याचा मृत्यू झाला. ज्या घरात आनंदाचे वातावरण होते, त्याठिकाणी अवघ्या क्षणात शोककळा पसरली. मयत संदीप याच्या पश्चात आई, वडील, भाऊ, बहीण असा परिवार आहे.