भडगाव (जळगाव) : भडगाव तालुक्यातील आमडदे येथे भरधाव वाळूचे ट्रॅक्टर घरांमध्ये (Bhadgaon) घुसल्याने ११ वर्षीय बालिकचा जागीच मृत्‍यू झाला. तर मृत बालिकेच्या बहिणीसह शेजारील महिला (Accident) जखमी झाल्याची घटना आज पहाटेच्‍या सुमारास घडली. (Breaking Marathi News)

भडगाव तालुक्‍यातील आमडदेनजीक वलवाडी रस्त्यावर भल्‍या पहाटे हा थरार झाला. गावातील गरीब वस्तीतील सर्व नागरीक झोपलेले होते. या दरम्‍यान सकाळी साडेपाच वाजेच्या सुमारास चोरटी वाहतूक सुरू असलेल्‍या वाळूने भरलेले ट्रॅक्टर वस्‍तीतील तीन ते चार घरांमध्ये घुसले. अचानक झालेल्‍या या प्रकारामुळे परिसरात धावपळ व आरडाओरड सुरू झाली. काय झाले हे लवकर कोणाच्‍याही लक्षात आले नाही.

बालिकेचा मृत्‍यू तर दोन जखमी

वस्‍तीतील तीन ते चार घरांमध्ये ट्रॅक्‍टर घुसल्‍याने यात वैशाली बालू सोनवणे (वय ११) या चिमुकलीचा जागीच मृत्‍यू झाला. तर तिच्‍या जवळ असलेली तिची लहान बहीण पिंकी सोनवणे (वय ५) आणि घराशेजारी राहणारी बानूबाई वाघ (वय ४४) या जखमी झाल्या. जखमींना जळगाव जिल्हा रूग्णालयात दाखल करण्यात आले आहे. दरम्यान घटनेनंतर ट्रॅक्टर चालक पसार झाला आअसून पोलीस त्याचा शोध घेत आहेत.