जळगावमध्ये अपघाताची एक मोठी घटना घडली आहे. पाचोरा येथे भरधाव कारने रस्त्याने जाणाऱ्या चार जणांना मागून जोरदार धडक दिलीये. यात शाळकरी मुलीसह दोन जण ठार झालेत. तर अन्य दोन जण गंभीर आहेत. सदर घटनेमुळे संपूर्ण गावात शोककळा पसरलीये.
मिळालेल्या अधिक माहितीनुसार, पाचोऱ्याहून जळगावकडे एक कार भरधाव वेगात निघाली होती. कारमधून पाच जण प्रवास करत होते. गोराडखेडा गावानजीक या कारणे चार जणांना चिरडले. ही घटना गोराडखेडा (ता. पाचोरा) येथे घडली. याबाबत कारमधील पाचही जणांना पोलिसांनी ताब्यात घेतले आहे.
हा अपघात इतका भीषण होता की, कारने चौघांना चिरडल्यानंतर कार पूर्णता पलटी झाली होती. अपघातात सुभाष पाटील आणि दुर्वा पाटील जागीच ठार झाले आहेत. तर परशुराम पाटील आणि ऋतुजा भोईटे हे जखमी झाले आहेत. चौघांना कारची धडक लागली तेव्हा दोन जण उडून शेजारी असलेल्या शेतात पडले.
कार - दुचाकीच्या धडकेत दोन तरूणांचा मृत्यू
बुधवारी रात्री देखील एक भीषण अपघात झाला. या अपघातात दुचाकीला पाठीमागून येणाऱ्या भरधाव कारने जोरदार धडक दिली. या घटनेत स्कूटीवरून जाणाऱ्या दोन तरूणांचा मृत्यू झालाय. हा अपघात रात्री साडे अकराच्या दरम्यान अर्धापूर- नांदेड राष्ट्रीय महामार्गावरील श्रीसंत किसन बापू आश्रमाजवळ घडला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.