दिनू गावित

नंदुरबार : नंदुरबार Nandurbar जिल्ह्यातील समशेरपूर येथील आयान मल्टीट्रेड एलएलपी साखर कारखान्यावर aayan Multitrade Sugar Factory गेल्या 56 तासांपासून आयकर विभागाच्या अधिकाऱ्यांद्वारे तपासणी सुरु आहे. कारवाईचा आज तिसरा दिवस असून गेल्या दोन दिवसात नेमकी काय कारवाई झाली याबद्दल अद्यापही कारखाना प्रशासन व आयकर विभागाच्या अधिकाऱ्यांद्वारे बोलण्यास नकार दिलेला आहे.

हे देखील पहा-

त्यामुळे नेमकी काय कारवाई होत आहे याबाबत अस्पष्टता आहे. 1996 साली पुष्प दंतेश्वर साखर कारखाना नावाने समशेरपुर परिसरात या कारखान्याची निर्मिती झाली. त्यावेळी 1200 मॅट्रिक टन दिवसाला गाळप क्षमता होती. 2014-15 साली हा कारखाना अवसायानात गेल्याने कारखान्याची विक्री झाली होती.

150 कोटीहून अधिक किंमतीची मालमत्ता असलेला कारखाना फक्त 47 कोटी मध्ये पुणे येथील ऑस्ट्रेरीया ऍग्रो कंपनीला विकला गेला. याबाबत त्यावेळी आरोप झाले होते. हा कारखाना खरेदीसाठी पुणे मध्यवर्ती बँकेने कोट्यवधींचे कर्ज देखील वितरीत केले होते. गेल्या तीन वर्षांपूर्वी या साखर कारखान्याला आयान मल्टीट्रेड एलएलपी असे नाव देण्यात आले आहे.

सचिन शृंगारे नामक व्यक्तीच्या नावावर हा कारखाना असून सदर व्यक्ती पार्थ पवारांचे निकटवर्तीय असल्याचे बोलले जात आहे. गेल्या तीन दिवसापासून सदर कारखान्यावर आयकर विभागाने धाड टाकली असून मोठ्याप्रमाणावर कागदपत्रांची तपासणी केली जात असल्याची सूत्रांची माहिती आहे.

Edited by-Sanika Gade