नागपूर : राज्यातील शिंदे-फडणवीस सरकारचा (Eknath Shinde) मंत्रिमंडळ विस्ताराचा पहिला टप्पा नुकताच पार पडला. पहिल्या टप्प्यात शिंदे गटातील ९ आमदार आणि भाजपमधील ९ आमदार अशा १८ आमदारांनी मंत्रीपदाची शपथ घेतली. दरम्यान, मंत्रिमंडळाचा दुसरा टप्पा लवकरच पार पडणार असल्याची माहिती अपक्ष आमदार बच्चू कडू (Bacchu Kadu) यांनी दिली. मंत्रिमंडळ विस्ताराचा दुसरा टप्पा १५ सप्टेंबर रोजी पार पडेल असं बच्चू कडूंनी म्हटलं आहे. (Bacchu Kadu News Today)

विस्तार होईल तेव्हा बच्चू कडू मंत्री राहिल असा शब्दही आपल्याला मुख्यमंत्री एकनाथ शिंदे यांनी दिला असल्याचं बच्चू कडू यांनी सांगितलं आहे. आज विधिमंडळाच्या पावसाळी अधिवेशनाचा दुसरा दिवस आहे. यावेळी बच्चू कडू नागपूरच्या विधानभवनात दाखल झाले. त्यावेळी माध्यमांशी बोलताना त्यांनी ही प्रतिक्रिया दिली. (Bacchu Kadu Latest News)

काय म्हणाले बच्चू कडू?

नाराज होतो म्हणुन आलो नाही, मी थोडं कामानिमित्त बाहेर होतो, त्यामुळे येऊ शकलो नाही. नाराज आहे म्हणून न येण्याचं काही कारण नाही. जेव्हा मंत्रिमंडळ विस्ताराचा दुसरा टप्पा होईल तेव्हा बच्चू कडू मंत्री राहिल असा शब्द मुख्यमंत्री एकनाथ शिंदे यांनी मला दिला आहे. असं बच्चू कडू यांनी म्हटलं आहे.

मला वाटतं मी मागे पण सांगितलं होतं की, मी व्यक्तीगत हितासाठी नाराज होणार नाही.आमचे काही महत्वाचे मुद्दे आहेत, त्या मुद्द्यावर आमची लढाई चालू राहिल. असं बच्चू कडू यांनी म्हटलं आहे.

Edited By - Satish Daud