नंदुरबार - राष्ट्रीय महामार्ग ७५३ बी ते सोमावल ते नर्मदानगर एमडीआर १ ते एमडीआर ४४ पर्यंत एकूण ६ कि.मीच्या रस्त्याचे एका बाजूने भाजपच्या खासदार डॉ.हिना गावीत (Heena Gavit) तर दुसऱ्या टोकाला भाजपचे आमदार राजेश पाडवी (Rajesh Padvi) यांनी भूमिपूजन केले. त्यामुळे भाजपचा (BJP) अंतर्गत वाद चव्हाट्यावर आला आहे.

हे देखील पहा -

राज्यातील भाजपाच्या १०५ आमदारांना केंद्र शासनाच्या सेंट्रल रोड अँड इंन्फ्रास्ट्रक्चर फंड अर्थात सीआरआयएफ योजनेतून प्रत्येकी १० कोटी रुपयांचे रस्ते केंद्रीय रस्ते वाहतूक आणि महामार्ग मंत्री ना.नितीन गडकरी यांनी मंजूर केले आहेत. यात राष्ट्रीय महामार्ग ७५३ बी ते सोमावल तर नर्मदानगर एम डी आर १ ते एम डी आर ४४ पर्यंत एकूण ६ कि.मीच्या या रस्त्याचाही समावेश आहे. यासाठी लागणारा निधी नंदुरबार सार्वजनिक बांधकाम विभागाकडे वर्ग देखील करण्यात आला आहे.

बांधकाम विभागाचे अधिकारी व ठेकेदार यांच्यावर दबाव टाकून याबाबत हाय व्होल्टेज ड्रामा पाहायला मिळाला 6 कि.मी.च्या रस्त्याचे सोमावल येथे आ.राजेश पाडवी यांनी भूमिपूजन केले. तर दुसऱ्या बाजूला नर्मदा नगर येथे खा.डॉ.हिना गावीत यांनी उद्घाटन केले. त्यामुळे भाजपाचा अंतर्गत वाद चव्हाट्यावर आला आहे.