पिस्तुलाचा धाक दाखवून मंगळसूत्र हिसकावण्याचा दोघांना अटक

सोलापूर - निर्मनुष्य रस्त्यावरून जाणाऱ्या महिलेच्या गळ्यातील मंगळसूत्र, सोन्याची चेन हिसकावणाऱ्या दोघा चोरांना सोलापूर शहर गुन्हे शाखेच्या पोलिसांनी (Police) अटक केली आहे. हे दोघे इंदापूर तालुक्यातील रहिवासी आहेत. मुख्य म्हणजे त्यांनी चोरी करताना अनेकदा पिस्टलचा धाक दाखवून मंगळसूत्र हिसकावून घेतलं आहे. सोलापुरात या दोघांनी मागच्या दीड वर्षात एकुण 11 गुन्हे केल्याची कबुली दिली. या दोघांकडून तब्बल 07 लाख 78 हजार 600 रुपये किमतीचा ऐवज जप्त करण्यात आला आहे.

हे देखील पहा -

अनिल नलवडे आणि राजेंद्र बागडे असे अटक करण्यात आलेल्यांची नाव असून सध्या ते न्यायालयीन कोठडीत आहेत. या दोघांकडून 25 तोळे दागिने,गुन्ह्यात वापरलेली दुचाकी,एक पिस्टल, चार काडतूस आणि मोबाइल जप्त करण्यात आला आहे. सोलापूर पोलिसांच्या या कामगिरीमुळे मंगळसूत्र चोरीला कांही प्रमाणात आळा बसला आहे.