उस्मानाबाद : शहरातील विजय चौक परिसरात दोन गटात झालेल्या दगडफेक आणि पोलिसांवरील हल्ल्या प्रकरणी 150 लोकांवर उस्मानाबाद शहर पोलीस ठाण्यात गुन्हा नोंद करण्यात आला आहे. या दगडफेकीत 6 पोलीस जखमी झाले असल्याची माहिती पोलिसांकडून सांगण्यात आली आहे.

पहा व्हिडिओ-

या दंगखोरांविरुद्ध पोलिसांनी दिलेल्या फिर्यादीनुसार कलम 307 सह अन्य 10 वेगवेगळ्या कलमांने गुन्हा नोंद करण्यात आला आहे. पोलिसांनी दिलेल्या माहितीनुसार आक्षेपार्ह फेसबुक पोस्ट प्रकरणी उस्मानाबाद शहर पोलीस ठाण्यात तक्रार देण्यासाठी काही तरुण आल्यानंतर त्याची प्राथमिक चौकशी करण्यासाठी पोलीस दलाचे काही कर्मचारी गेल्यानंतर त्यांच्यावर 25 ते 30 जणांच्या जमावाने विटा, दगड, फरशी फेकत हल्ला करण्यात आला आहे.

पोलीस कर्मचारी सायलू बिरमवार यांनी दिलेल्या फिर्यादीवरून कलम 307, 333, 332, 353, 143, 147, 148, 149, 294 यासह सार्वजनिक संपत्ती नुकसान प्रतिबंधक अधिनियम 1984 चे कलम 3 नुसार गुन्हा नोंद करण्यात आला आहे. या प्रकरणाचा अधिक तपास उस्मानाबाद पोलीस करत आहेत.

Edited By- Digambar Jadhav