बीड : बीड जिल्ह्यात परत एका शेतकऱ्याने आत्महत्या केल्याची घटना समोर आली आहे. जिल्ह्यातील वडवणी तालुक्यातील खळवट लिंबगावमध्ये, 34 वर्षीय तरुण शेतकऱ्याने, गळफास घेऊन आत्महत्या केली आहे. ही घटना मध्यरात्री 2 वाजेच्या सुमारास घडली आहे. सिद्धेश्वर धर्मराज फरताडे, (वय- 34) असे आत्महत्या केलेल्या तरुण शेतकऱ्याच नाव आहे.
हे देखील पहा-
सिद्धेश्वर फरताडे हे अल्पभूधारक शेतकरी तथा ऊसतोड कामगार होते. दरवर्षी ते शेती आणि ऊसतोडी करत आपल्या कुटुंबाची उपजीविका भागवित होते. यंदा शेतात सोयाबीन अन पपई आहे. यातील सोयाबीन अतिवृष्टीने गेली, तर पपईवर कीड आल्याने ते देखील गेले. त्यामुळे अतिवृष्टीने झालेलं नुकसान अन त्यात कर्जबाजारीपणा, याचं परिस्थितीच्या समोर हार मानली आणि राहत्या घरी गळफास घेऊन स्वतः चे जीवन संपविले आहे.
या प्रकरणाची माहिती नातेवाईकांनी दिली आहे. मयत सिद्धेश्वर फरताडे यांच्या पश्चात पत्नी आणि २ मुले असा परिवार आहे. दरम्यान बीड जिल्ह्यात दिवसेंदिवस शेतकरी आत्महत्या वाढत असल्याने, प्रशासनाने वेळीच उपाययोजना करणे गरजेचे आहे.
Edited By- Digambar Jadhav
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.