सागर निकवाडे

Nandurbar:

महाराष्ट्राचे आराध्य दैवत श्री. छत्रपती शिवाजी महाराज यांची जयंती आज संपूर्ण राज्यात मोठ्या उत्साहात साजरी केली जात आहे. जयंती निमित्त ठिकठिकाणी भव्य कार्यक्रमांचे आयोजन करण्यात आलेय. सर्वजण आपआपल्या पद्धतीने जयंती साजरी करत आहेत. अशात नंदुरबारमधील शहादा येथील एका विद्यार्थिनीने आपल्या अनोख्या कलेतून महाराजांची जयंती साजरी केलीये.

शहादा येथील एमबीएचा शिक्षण घेणारी वैष्णवी पाटील या विद्यार्थिनींनी छत्रपती शिवाजी महाराज यांचे चित्र एक रुपयाच्या नाण्यावर काढले आहे. आपल्या केलतून विद्यार्थिनीने शिवाजी महाराजांना अभिवादन केलं आहे.

छत्रपती शिवाजी महाराज (CHHATRAPATI SHIVAJI MAHARAJ) यांच्या जयंती निमित्ताने अनेक शिवभक्त वेगवेगळ्या पद्धतीने शिवाजी महाराज यांना अभिवादन करत असतात. परंतु वैष्णवी पाटील या मुलीने एक रुपयाच्या नाण्यावर शिवाजी महाराज यांची प्रतिकृती साकारून महाराज यांना अभिवादन केलंय.

गेल्या अनेक वर्षापासून शिवाजी महाराज यांच्या जयंतीनिमित्ताने अनेक कलाकृती सकारात आली आहे. त्यामुळे काहीतरी नवीन आणि लहान शिवाजी महाराजांची प्रतिकृती साकारण्याचे मानस वैष्णवीने केला होता. त्यामुळे अत्यंत सुंदर अशी शिवाजी महाराज यांची प्रतिकृती नाण्यावर काढली असून शिवाजी महाराज यांना अभिवादन केलंय.

शहादा शहरात 3 दिवसीय शिव व्याख्यान मालेचआयोजन

शहादा येथे शिवस्मारक बहुउद्देशीय समितीकडून गेल्या आठ वर्षापासून शिवाजी महाराज यांच्या शिवजयंती निमित्ताने शिव व्याख्यान माला आयोजित केली जाते. यंदा देखील तीन दिवसीय व्याख्यानमालाचे आयोजन करण्यात आले आहे. या व्याख्यानमालामध्ये अनेक विचारवंत आपले विचार मांडत असतात या वर्षी देखील शिवाजी महाराजांचे विचारवंत देखील येणार आहेत.

व्याख्यान मालेमध्ये मित्र वणव्यामध्ये गारव्या सारखा फेम अनंत राऊत तर दुसऱ्या दिवशी आनंददायी जीवनाचा राजमार्ग या विषयावर पुणे येथील अशोक देशमुख यांची मैफील रंगणार आहे. शिवजयंती निमित्ताने ढोल ताशांच्या गजरात तरुणाईने नुसतच थिरकण्यापेक्षा शिवरायांचा आचार विचार त्यांच्या मनात रुजावा, आपण समाजाचे देणे लागतो या भावनेतून कुटुंब, राज्य देश सेवा घडावी याच उद्देशाने या व्याख्यानमालेचे आयोजन करण्यात आले आहे.