Maharashtra Live News Update: वाल्मीक कराडच्या वकिलांची हायकोर्टात धाव,रीट पिटीशन दाखल

Marathi Breaking Live Marathi Headlines Updates : आज सोमवार, दिनांक ४ ऑगस्ट २०२५, महाराष्ट्रात पावसाची विश्रांती, महाराष्ट्राचे राजकारण तापणार, राज-उद्धव एकत्र येण्यावर चर्चा, राज्यातील राजकीय घडामोडी, मुंबई-पुण्यासह राज्यातील महत्त्वाचे अपडेट्स वाचा एका क्लिकवर...
Maharashtra Live News Update
Maharashtra Live News UpdateSaam tv
Published On

वाल्मीक कराडच्या वकिलांची हायकोर्टात धाव,रीट पिटीशन दाखल

आरोपी वाल्मीक करणे आपण संतोष देशमुख हत्या प्रकरणात दोषी नसल्याचा अर्ज बीड विशेष न्यायालयाकडे वकिलांच्या मार्फत केला होता तो अर्ज न्यायालयाने फेटाळल्यानंतर वाल्मिक कराडने आता वकिलांच्या मार्फत हायकोर्टात धाव घेतली आहे. दोष मुक्तीच्या अर्ध्या संदर्भात आणि दोषारोप पत्रासंदर्भात हायकोर्टात रीट पिटीशन दाखल केल्याची माहिती साम टीव्ही ला सूत्रांनी दिली आहे

जालन्यात पोलिसांची धडक कारवाई, कर्ण कर्कश आवाज करणाऱ्या 62 बुलेट बाईक जप्त

जालना शहर वाहतूक शाखेने धडक कारवाई करत जालना शहरात विविध ठिकाणाहून कर्णकर्कश आवाज करणाऱ्या तब्बल 62 बुलेट गाड्या जप्त केल्या आहे. जालना शहरातील ज्येष्ठ नागरिकांनी या अगोदर देखील पोलिसांना कर्णकर्कश आवाज करणाऱ्या बुलेटवर कारवाई करण्याची मागणी केली होती त्यानुसार आज जालना शहर वाहतूक शाखेने जालना शहरातील विविध ठिकाणी कारवाई करत तब्बल 62 बुलेट गाड्या जप्त केल्या आहेत.

पुण्याजवळील कोल्हेवाडीत हवेत गोळीबार.

दुचाकीला कट मारल्याच्या रागातून वाद झाला अन् वादातून एकाने देशी बनावटीचे पिस्तूल काढत हवेत गोळीबार केला. कोल्हेवाडी परिसरात आज दुपारच्या सुमारास हा प्रकार घडला.

पुण्यात गणेश मंडळाकडून "ऑपरेशन सिंदूर" चा देखावा

पुणे शहरातील गणेशोत्सव म्हटले की डोळ्यासमोर येतात ते सार्वजनिक गणेश मंडळांनी साकारलेले देखावे. हे देखावे पाहण्यासाठी फक्त राज्यच नव्हे तर परदेशातून सुद्धा नागरिक गणेशोत्सवाच्या काळात पुण्यात मोठ्या संख्येने उपस्थित राहतात. पुण्यातील बहुतांश मंडळाकडून सामाजिक तसेच पर्यावरण पूर्वक संदेश देणारे देखावे साकारले जातात. यंदा पुण्यातील अनेक गणेश मंडळाकडून "ऑपरेशन सिंदूर" हा देखावा सादर केला जाणार आहे. यासाठी पुण्यातील औंध भागात असलेल्या तारू कुटुंबीयांकडून या देखाव्याची तयारी आता पूर्ण झाली आहे. गेल्या पन्नास वर्षांपेक्षा अधिक काळापासून दारू कुटुंबीय शहरातील विविध गणेश मंडळांसाठी देखावे तयार करतात. यंदा "ऑपरेशन सिंदूर" निमित्ताने त्यांच्या कारखान्यात याची लगबग आता अंतिम टप्प्यात आलीय.

पुण्याच्या खेड तालुक्यातील खरपुडी येथून अपहरण केलेल्या 28 वर्षीय विवाहितेचा शोध घेण्यात खेड पोलिसांना यश

- पुण्याच्या खेड तालुक्यातील खरपुडी येथून अपहरण केलेल्या 28 वर्षीय विवाहितेचा शोध घेण्यात खेड पोलिसांना यश

- अंतर जातीय विवाह केल्याने संतापून भावाने आणि आईने 15 जनांनी मुलीचे केले होते अपहरण

- खेड पोलिस स्टेशनमध्ये गंभीर मारहाण आणि अपहरणाचा गुन्हा दाखल

- पोलिस स्टेशन मध्ये विवाहितेची चौकशी सुरू

उपमुख्यमंत्री एकनाथ शिंदे व कावड यात्रा पाहण्यासाठी हिंगोलीत तुफान गर्दी

उपमुख्यमंत्री एकनाथ शिंदे व कावड यात्रा पाहण्यासाठी हिंगोलीत तुफान गर्दी

शेकडो नागरिक स्वागताच्या वेळी तीन मजली बिल्डिंग वर चढले

क्रेन द्वारे हार घालत हिंगोलीत उपमुख्यमंत्री एकनाथ शिंदे यांचे स्वागत

थोड्याच वेळात सभेतून संबोधित करणार

एस आय टी चे पथक महादेव मुंडे यांच्या पत्नी ज्ञानेश्वरी मुंडे यांच्या भेट घेऊन हत्या प्रकरणासंदर्भात चर्चा करणार.

एस आय टी चे प्रमुख आयपीएस पंकज कुमावत ज्ञानेश्वरी मुंडे यांच्या घरी दाखल.

महादेव मुंडे हत्या प्रकरणात ज्ञानेश्वरी मुंडे यांचा जबाब महत्त्वाचा राहणार.

महादेव मुंडे यांची हत्या ज्या ठिकाणी झाली त्या ठिकाणाचा स्पॉट पंचनामा.

परळीतील महादेव मुंडे यांच्या घरी यासाठीचे पथक दाखल.

महादेव मुंडे यांच्या हत्या प्रकरणाबाबत नातेवाईकांची विचारपूस.

नाशिक मध्ये शिवप्रतिष्ठानच्या संभाजी भिडे यांच्या व्याख्यानाचे आयोजन

- व्याख्यानाच्या ठिकाणी पोलिसांचा मोठा बंदोबस्त तैनात

- सकाळी संभाजी ब्रिगेडने दिलेल्या इशाऱ्यानंतर पोलिसांचा बंदोबस्त

- संत तुकारामांचं पुस्तक देऊन आंदोलनाचा दिला होता इशारा

- यानंतर संभाजी ब्रिगेडच्या काही कार्यकर्त्यांना पोलिसांनी ठेवले होते नजर कैदेत

- व्याख्यानाच्या ठिकाणी माध्यमांनाही प्रवेश नाही

दुचाकी धारकाला वेग अनावर न झाल्याने झाला अपघात

धुळे शहरापासून काही किलोमीटर अंतरावर असलेल्या मुंबई आग्रा महामार्गावरील नगाव वारी येथे चार चाकी वाहनाला दुचाकी धारकाने भरधाव मागवून येत धडक दिल्याने दुचाकी धारक गंभीर जखमी झाला आहे,

राज्य मंत्रिमंडळाची उद्या बैठक

राज्य सरकारच्या महत्त्वपूर्ण निर्णयांसाठीची मंत्रिमंडळ बैठक मंगळवारी, ५ ऑगस्ट २०२५ रोजी बोलावण्यात आली आहे. ही बैठक दुपारी १२.०० वाजता मंत्रालयातील ७व्या मजल्यावरील मंत्रिमंडळ सभागृहात होणार आहे. या बैठकीत मोठे निर्णय घेतले जाण्याची शक्यता आहे.

पुण्यात छत्रपती संभाजी महाराज उद्यान येथे आप पक्षाचे आंदोलन

पुणे महानगरपालिकेकडून शहरात मोठ्या प्रमाणावर बेकायदेशीर वृक्षतोड केली जात आहे.

माहिती अधिकाराच्या माध्यमातून आलेल्या कागदपत्रांनुसार २५ हजार झाडांची बेकायदेशीर कत्तल,साडेतीन लाख झाडं फक्त कागदावरच,आणि २५ कोटींचा निधी गैरवापर हे वास्तव उघड झालं आहे. यासंदर्भात अनेक वेळा निवेदने, तक्रारी, व पत्रव्यवहार करून पी एम सीच्या निष्काळजी व जबाबदारीशून्य वृत्तीविषयी सतत लक्ष वेधण्यात आलं. अशा अनेक पत्रांमधून बेकायदेशीर परवानग्यांकडे स्पष्ट लक्ष वेधूनही पी एम सी ने त्याकडे दुर्लक्षच केलं असून, वृक्षतोडीला बेकायदेशीर परवानग्या देणं सुरूच ठेवलं आहे.

उपमुख्यमंत्री एकनाथ शिंदे येण्याआधी कावड यात्रेत आमदार संतोष बांगर यांचा भन्नाट डान्स

मराठवाड्यातील प्रसिद्ध असलेली हिंगोली जिल्ह्यातील शिवशंकराची कावड यात्रा 18 किलोमीटरचा प्रवास करत हिंगोली शहरात दाखल झाली आहे. थोड्याच वेळात राज्याचे उपमुख्यमंत्री एकनाथ शिंदे हे शिवभक्तांच्या या कावड यात्रेत स्वतः सहभागी होणार आहेत दरम्यान शिवभक्तांचा उत्साह पाहून शिवसेनेचे आमदार संतोष बांगर डीजे वर थिरकल्याचे पाहायला मिळाले आहे. महादेवाचे डमरू हातात घेऊन ओम नमः शिवाय चा जयजयकार करत संतोष बांगर डीजे वर चढले होते, यावेळी हिंगोली शहराच्या वेशीवर शिवभक्तांनी फुलांचा वर्षाव करत कावड यात्रेचे स्वागत केले आहे.

महामुंबई मेट्रोने पार केली २०० दशलक्ष प्रवासांची विक्रमी संख्या!

अवघ्या ३९ महिन्यांत महामुंबई मेट्रो प्रकल्पाने २०० दशलक्ष (२० कोटी) प्रवाशांचा टप्पा पार करत ऐतिहासिक यश मिळवलं आहे. मुंबईकरांच्या विश्वासामुळे आणि पाठिंब्यामुळे हे शक्य झाल्याचं मेट्रो प्रशासनाने नमूद केलं आहे. "तुमच्या प्रवासाचा भाग होऊ दिल्याबद्दल धन्यवाद, मुंबई! आता एकत्रच स्मार्ट आणि भविष्याभिमुख वाटचाल करूया," असा संदेशही महामुंबई मेट्रोकडून देण्यात आला आहे. या कामगिरीमुळे मुंबईचं वाहतूक जाळं अधिक सक्षम आणि भविष्याभिमुख बनत असल्याची जाणीव निर्माण झाली आहे.

Thane News Update : सुनावणीसाठी आलेला आरोपी पोलिसांच्या हातीत तुरी देऊन पसार, भिवंडीतील घटना

भिवंडी न्यायालयात सुनावणी साठी आलेल्या आरोपीचे पोलिसांच्या हाती तुरी देऊन पसार झाला. ठाणे कारागृहातून त्यास भिवंडी न्यायालयात सुनावणीसाठी आणले होते. सलामत अली अन्सारी असे फरार आरोपीचे नाव आहे. पोलिसांकडून आरोपीचा शोध घेतला जात आहे.

पारंपारिक फुगडी खेळत कानबाईला निरोप

एका दिवसाची पाहुणे असलेल्या खानदेशाची कुलस्वामिनी कानबाई मातेला पारंपारिक सगळी खेळत निरोप देण्यात आला दुसऱ्या टप्प्यात कानबाई मातेची पूजन झाल्यानंतर आज विसर्जन मिरवणुकीला सुरुवात झाली ढोल ताशांचा गजरात आईची मिरवणूक वाढत फुगडी खेळण्याची आणखी परंपरा कायम आहे.

Panvel : डान्सबार तोडफोड प्रकरण, मनसेच्या ८ जणांना जामीन मंजूर

पनवेल येथील डान्सबार आर्केस्ट्रा तोडफोड प्रकरणी मनसे नेते योगेश चिले यांच्यासह 8 जणांना जामीन मंजूर करण्यात आला आहे. पनवेल न्यायालयाने जामिनावर सुटका करण्यात आली आहे

ऐन पावसाळ्यात घरे खाली करण्याची पालिकेची नोटीस,

चारकोप विधानसभेतील इराणी वाडी (हेंमू कलानी रोड नं. ३) येथील चाळीतील रहिवाशांना ऐन पावसाळ्यात घरे सात दिवसात खाली करण्याच्या महापालिकेच्या आर दक्षिण विभागाने नोटीस पाठवले आहेत. ऐन पावसाळ्यात पालिकेने बैठ्या चाळीतील घरांना धोकादायक असल्याचे सी वनची नोटीस पाठवल्यामुळे मनसे आक्रमक झाली असून पालिकेच्या आर दक्षिण कार्यालयावर मोर्चा काढण्यात आला. मनसे चारकोप विधानसभा अध्यक्ष दिनेश साळवी यांच्या मार्गदर्शनाखाली शेकडो चाळकरी आणि मनसे कार्यकर्ते सहभागी झाल्याचे यावेळी पाहायला मिळाले. ज्या पालिका अधिकाऱ्याने ही नोटीस काढली च्या अधिकाऱ्याचा यावेळी आंदोलकांकडून निषेध करण्यात आला.

महाराष्ट्र राज्य नाट्य स्पर्धेसाठी 31 ऑगस्ट पर्यंत ऑनलाईन प्रवेशिका उपलब्ध

शासनाच्या सांस्कृतिक कार्य संचालनालयाच्या वतीने 3 नोव्हेंबर, 2025 पासून सुरु होणाऱ्या हौशी मराठी, हिंदी, संगीत व संस्कृत राज्य नाट्य स्पर्धांसाठी तसेच बालनाट्य स्पर्धा व दिव्यांग बालनाट्य स्पर्धांसाठी नाट्य संस्थांकडून 1 ऑगस्ट ते 31 ऑगस्ट, 2025 पर्यंत ऑनलाईन पध्दतीने प्रवेशिका मागविण्यात येत असल्याची माहिती सांस्कृतिक कार्य संचालक विभीषण चवरे यांनी दिली. सांस्कृतिक कार्य मंत्री ॲड.आशिष शेलार व सांस्कृतिक कार्य विभागाचे सचिव डॉ. किरण कुलकर्णी यांच्या मार्गदर्शनाखाली राज्य नाट्य स्पर्धा पार पडणार असल्याचे श्री.चवरे यांनी नमूद केले आहे.

छत्रपती संभाजीनगर शहरातील नारेगाव परिसरात अतिक्रमण हटाव मोहिमेअंतर्गत काही लोकांचा विरोध

Parbhani: राज्यमंत्री मेघना बोर्डीकर यांचा व्हिडिओ विजय भांबळे यांनी रोहित पवारांना पाठवला

परभणी -

राज्यमंत्री मेघना बोर्डीकर यांचा व्हिडिओ अजित पवारांच्या राष्ट्रवादीचे माजी आमदार विजय भांबळे यांनी रोहित पवारांना पाठवला

रोहित पवार शरद पवारांच्या राष्ट्रवादीचे की अजित पवारांच्या राष्ट्रवादीचे

दोन्ही राष्ट्रवादी एकच आहेत आमच्या नादाला लागू नका

परभणीतील भाजपच्या जिल्हाध्यक्षांनी दिला राष्ट्रवादीला इशारा

ग्रामसेवक युनियन ने कुणाच्या सांगण्यावरून आंदोलन करू नये

Pune: सिंहगडावर दोन दिवसांत १५ हजारांपेक्षा जास्त पर्यटकांची गर्दी 

पुणे -

पुण्यात सिंहगडावर पावसाच्या सरी आणि पर्यटकांची गर्दी दोन दिवसांत १५ हजारांहून अधिक पर्यटक

उपद्रव शुल्कातून एक लाख ८० हजार लाख ५०० रुपये जमा

श्रावणाच्या पार्श्वभूमीवर निसर्ग सौंदर्याने नटलेला सिंहगड पर्यटकांना आपल्याकडे आकर्षित करत आहे.

श्रावणाच्या या सुट्टीच्या दिवसांत सिंहगडावर पर्यटकांची गर्दी मोठ्या प्रमाणावर दिसून आली.

Nagpur: MBBS च्या विद्यार्थ्याने गळफास लावून केली आत्महत्या

नागपूर -

- एमबीबीएसला अंतिम वर्षातील विद्यार्थ्याने गळफास लावून आत्महत्या केली

- एम्स हॉस्पिटलमध्ये एमबीबीएसच्या पाचव्या वर्षाला शिकत असलेल्या विद्यार्थ्याने बाथरूमच्या दरवाजाला शॉल बांधून गळफास घेत आत्महत्या केली...

- संकेत दाभाडे असं विद्यार्थ्याच नाव आहे.. आत्महत्येमागे नेमकं कारण काय याचा शोध घेतला जात आहेय.

- मागील दोन दिवसापासून त्याच्या रूमचा दरवाजा बंद होता.. आतमध्ये कसलीही हालचाल नव्हती, इतर विद्यार्थ्यांनी शंका म्हणून वार्डनला सांगितलं...

Thane News: घोडबंदर रोडवर केमिकल टँकरला भीषण आग

ठाण्यातील घोडबंदर रोडवरील पातली पाडा पुलावर एका केमिकल टँकरला आग लागली.

या ठिकाणी अग्निशमन दलाचे जवान रवाना झाले आहे.

Bhandara: भंडाऱ्यात भाजप - शिंदेसेनेत नवा वाद, आमदार परीणय फुकेच्या विधानानंतर शिवसेना आक्रमक

भंडाऱ्यात भाजप - शिंदेसेनेत नवा वाद...

सहकार क्षेत्रातील निवडणुकीवरून भाजप आमदार परीणय फुके यांचे वादग्रस्त विधानानंतर शिंदे सेना आक्रमक

भंडाऱ्यातील तमाम शिंदेसेनेच्या कार्यकर्त्यांमध्ये भाजपा विरोधात रोष बघायला मिळत आहे.

Parbhani: परभणीत समृद्धी महामार्गाच्या मूल्यांकनावरून जोरदार खडाजंगी

परभणी -

परभणीत समृद्धी महामार्गाच्या मूल्यांकनावरून जोरदार खडाजंगी

परभणी जिल्हाधिकारी कार्यालयात तणावाचे वातावरण

सेलू तालुक्यातील समृद्धी महामार्ग बाधित शेतकऱ्यांनी जिल्हाधिकाऱ्यांसह इतर अधिकाऱ्यांना सुनावले

शेतकऱ्यांच्या रौद्र रूपामुळे जिल्हाधिकारी व इतर अधिकारी भर बैठकीतून उठून गेले

Sindhudurg: कणकवली शहरातून जाणाऱ्या उड्डाण पुलाखालील अतिक्रमणे हटविण्यात येणार

सिंधुदुर्ग -

कणकवली शहरातून जाणाऱ्या उड्डाण पुलाखालील अतिक्रमणे हटविण्यात येणार

नगरपंचायत प्रशासन, पोलिस आणि आरटीओ विभाग यांची संयुक्त कारवाई सुरू

अतिक्रमण कारवाईला काही नागरिकांनी केला विरोध

कोल्हापुरात ठाकरेंचे शिवसैनिक आक्रमक

कोल्हापुरात ठाकरेंचे शिवसैनिक आक्रमक ; महानगरपालिकेतील भ्रष्ट कारभाराबाबत मोटरसायकल आणि रिक्षांनी घातला महापालिकेला घेराव.

पुण्याची विसर्जन मिरवणूक सकाळी ७ वाजता सुरू होणार?

पुण्यात गणेशोत्सवापूर्वीच विसर्जन मिरवणुकीच्या बाबत वादाची ठिणगी पडली की काय असा प्रश्न उपस्थित झाला आहे. पुण्यातील गणेश मंडळांची बाळासाहेब ठाकरे कलादालनात बैठक पार पडली. या बैठकीला सत्तर पेक्षा अधिक मंडळांचे पदाधिकारी सहभागी झाले होते. पुण्यातील गणेश विसर्जन मिरवणूकीला लागणारा वेळ पाहता पाच मानाच्या गणपतींच्या आधी विसर्जन मिरवणूकीत सहभागी होण्याची इच्छा काही गणेश मंडळांनी व्यक्त केलीय. पुण्यातील लक्ष्मी रसत्यावरील विसर्जन मीरवणूकीत तीनशे पेक्षा अधिक गणेश मंडंळं सहभागी होतात. मात्र पाच मानाच्या गणपतींच्या विसर्जन होईपर्यंत संध्याकाळ होते. पुण्याची विसर्जन मिरवणूक सकाळी दहा वाजता सुरु होते. मात्र यावेळी अनेक मंडळांनी पाच मानाच्या गणपतींच्या आधी सात वाजल्यापासुन मीरवणूकीत सहभागी होण्याची तयारी दर्शवलीय. त्याचबरोबर प्रत्येक मंडळाने एकच ढोल ताशा पथक वापरावे याबद्दल देखील या बैठकीत चर्चा झालीय.

यवत गावामध्ये सलग चौथ्या दिवशी जमावबंदी लागू

दौंड तालुक्यातील यवत गावामध्ये सलग चौथ्या दिवशी जमावबंदी लागू आहे. चौथ्या दिवशी यवत गाव बंद आहे. आज जमावबंदी संदर्भात बैठक घेऊन पुढील निर्णय घेणार असल्याचं अपर पोलीस अधीक्षक गणेश बिरादार यांनी सांगितले. आतापर्यंत एकूण 15 जणांना अटक करण्यात आली असून दोन जणांवर अटकेची कारवाई करीत असल्याचं देखील बिरादार यांनी सांगितले

इंदापूरमध्ये दोन्ही राष्ट्रवादीतील वाकयुद्ध पेटलं

इंदापूरमध्ये दोन्ही राष्ट्रवादीतील वाकयुद्ध पेटले.

सुप्रिया सुळे यांची हनुमंत कोकाटे यांच्यावर कारवाईची मागणी..

हनुमान कोकाटे कृषी मंत्री दत्तात्रय भरणे यांच्या पक्षाचा तालुका अध्यक्ष..

दोन दिवसांपूर्वी कोकाटे यांनी पत्रकार परिषदेत दिली होती शरद पवार गटाच्या कार्याध्यक्षाला मारण्याची धमकी..

खासदार सुप्रिया सुळे यांनी पुणे एस. पी. कडे केली कारवाईची मागणी..

शिवसेना ठाकरे गटाचा कोल्हापूर महानगरपालिकेला घेराव

उद्धव बाळासाहेब ठाकरे शिवसेना पक्षाचा कोल्हापूर महानगरपालिकेला घेराव

कोल्हापुरातील विविध प्रलंबित प्रश्नांसंदर्भात शिवसेना आक्रमक

महानगरपालिकेसमोर शिवसैनिकांची जोरदार घोषणाबाजी सुरू

भाजपचा कार्यकर्ता मेळाव्याला उत्स्फूर्त प्रतिसाद

भारतीय जनता पक्षाच्यावतीने आज शहापूर तालुक्यात कार्यकर्ते मेळाव्याचे आयोजन करण्यात आले होते. यादरम्यान शहापूर तालुक्यातील जिल्हा परिषद आणि पंचायत समिती गटातील शेकडो कार्यकर्ते उपस्थित होते. हा कार्यक्रम माजी केंद्रीय मंत्री व माजी खासदार कपील पाटील यांच्या नेतृत्वाखाली संपन्न झाला. यावेळी शहापूर विधानसभेचे माजी आमदार पांडुरंग बरोरा यांच्यासह शेकडो कार्यकर्त्यांनी आपली हजेरी लावली होती.

ग्रामसेवक युनियन आक्रमक; परभणीत काम बंद आंदोलन

आरोग्य राज्यमंत्री तथा परभणीच्या पालकमंत्री मेघना बोर्डीकर यांनी ग्रामसेवकाला भर कार्यक्रमांमध्ये कानाखाली लावील अशी धमकी दिली याप्रकरणी आता ग्रामसेवक युनियन आक्रमक झाली असून परभणी जिल्ह्यातील ग्रामसेवकांनी या वक्तव्याच्या निषेधार्थ काळ्या फिती लावून काम बंद आंदोलन सुरू केले आहे.

Beed: बीड जिल्ह्यातील परळीत तुळजाई ऍग्रो मशनरी स्टोअरमध्ये लाखो रुपयांची चोरी

बीड जिल्ह्यातील परळी - तेलगाव रोडवर असलेल्या रिलायन्स पेट्रोल पंपा जवळ विशाल चव्हाण यांच्या तुळजाई ऍग्रो मशनरी स्टोअरमध्ये चोरी झाल्याची घटना घडली आहे. या चोरीचा सीसीटीव्ही फुटेज समोर आला असून यामध्ये दोन चोरटे स्टोअरच्या शटरचे कुलूप तोडून आत प्रवेश करताना दिसत आहेत. या घटनेत चोरट्यांनी दुकानातून लाखो रुपयांचे साहित्य लंपास केले आहे.

Raj Thackeray: उद्धव ठाकरेंसोबतच्या युतीबाबत योग्य वेळी बोलेन- राज ठाकरे

राज ठाकरे आणि उद्धव ठाकरे यांच्या युतीबाबत अनेक चर्चा सुरु आहेत. दरम्यान, आता राज ठाकरेंनी यावर प्रतिक्रिया दिली आहे.उद्धव ठाकरेंसोबतच्या युतीबाबत योग्य वेळी बोलेन, असं राज ठाकरेंनी म्हटलं आहे.

Nashik: नाशिक महापालिकेच्या प्रवेशद्वारावर मनसेचं आंदोलन

- शहरातील रस्त्यांवर पडलेले खड्डे आणि विस्कळीत पाणीपुरवठा विरोधात मनसे आक्रमक

- महापालिकेचा निषेध करण्यासाठी रिकामे हंडे घेऊन महिलादेखील आंदोलनात मोठ्या प्रमाणात सहभागी

- आंदोलना दरम्यान मनसैनिकांची जोरदार घोषणाबाजी

- नाशिककरांना चांगले रस्ते आणि सुरळीत पाणीपुरवठा करण्याची आंदोलकांची मागणी

Rajguru Nagar: राजगुरुनगरमध्ये पतीला जबर मारहाण करत २८ वर्षीय पत्नीचे अपहरण

- पुण्याच्या खेड तालुक्यातील खरपुडी येथील धक्कादायक प्रकार

- सैराट चित्रपटा सारखा अंतर जातीय प्रेम विवाहातून मारहाण आणि अपहरण झाल्याचा प्रकार

- खेड पोलिस स्टेशनमध्ये मुलीचा भाऊ आणि आई सह १५ जणांवर अपहार आणि जबर मारहाण केल्याचा गुन्हा दाखल

- विश्वनाथ गोसावी आणि त्याची पत्नी प्राजक्ता गोसावी २८ वर्षीय असे मारहाण झालेल्या दांपत्याचे नाव

Shravan: दुसऱ्या श्रावणी सोमवार निमित्त सिद्धरामेश्वरांच्या योग समाधीला 800 किलो फुलांची सजावट

- दुसऱ्या श्रावणी सोमवार निमित्त ग्रामदैवत श्री सिद्धेश्वर मंदिरामध्ये भक्तांची अलोट गर्दी

- ग्रामदैवत श्री सिद्धरामेश्वरांच्या योग समाधीला विविध फुलांची सजावट

- योग समाधीच्या सजावटीसाठी चिनी,झेंडू,पर्पल,शेवंती,गुलाब अशा अनेक अनेक फुलांचा वापर

- आज दिवसभरात श्री शिवयोगी सिद्धेश्वर मंदिरात विविध धार्मिक कार्यक्रमांचे आयोजन

Beed: सरपंच संतोष देशमुख हत्या प्रकरणातील पुढील सुनावणी 18 ऑगस्ट रोजी

विशेष सरकारी वकील उज्वल निकम यांची अनुपस्थिती.

विशेष सहाय्यक सरकारी वकील बाळासाहेब कोल्हे न्यायालयात हजर.

आरोपी वाल्मीकरांच्या प्रॉपर्टी संदर्भाच्या अर्जावरती न्यायालयात चर्चा.

आरोपीचे वकील विकास खाडे न्यायालयात हजर.

मन्याडेश्वर शांती धाम येथे कावड यात्रा, जलाभिषेक कार्यक्रम संपन्न..

श्रावण महिन्याच्या दुसऱ्या सोमवारी नाशिकच्या नांदगाव तालुक्यातील नदी पात्रातील मनियाडेश्वर शांतिधाम येथे पारंपरिक पद्धतीने कावड यात्रा व जलाभिषेक सोहळा संपन्न झाला.या धार्मिक सोहळ्याचे आयोजन माँ शक्ती संगठन व भजनी मंडळ जळगाव खुर्द तसेच समस्त ग्रामस्थांच्या सहभागातून अत्यंत भक्तिपूर्वक वातावरणात करण्यात आले.. श्रावण महिन्यातील दुसऱ्या सोमवारी गावातील शिवभक्तांनी कावड यात्रा काढून, शुद्ध जल आणून महादेवाच्या पिंडीवर जलाभिषेक केला

Nanded: नांदेड पोलिसांची कॅनल रोडवरील स्पा सेंटरवर धाड.

नादेडमधील कॅनल रोडवरील रेड ओक स्पा टू सेंटरवर पोलिसांनी छापा टाकला आहे. स्पा सेंटरच्या नावाखाली येथे अश्लील प्रकार सुरू असल्याचा पोलिसांना संशय होता. त्यावर छापा टाकला असता स्पा सेंटरच्या नावाखाली वेश्या व्यवसाय सुरू असल्याचे दिसून आले आहे. याप्रकरणी भाग्यनगर पोलीस ठाण्यात पाच जणांविरुद्ध गुन्हा दाखल करण्यात आला. भाग्यनगर पोलिसांनी स्पा सेंटर मध्ये काम करणाऱ्या नागसेन गायकवाड, संतोष इंगळे, रोहन गायकवाड यांना अटक केली असून स्पा सेंटरचा मालक अमोदसिंग साबळे, मॅनेजर मनोज जांगिड हे दोघे फरार आहेत. स्पा सेंटर मधून पोलिसांनी चार महिलांची सुटका केली आहे. पोलिसांनी 16 हजार 560 रुपयाचा मुद्देमाल जप्त केला आहे. याबाबत भाग्यनगर पोलीस दोन आरोपीचा शोध सुरु केला असून पुढील तपास सुरू आहे.

अंबरनाथमध्ये नालेसफाईची तक्रार केल्यानं भाजपा पदाधिकाऱ्याला मारहाण

अंबरनाथच्या स्वामीनगर परिसरातून वाहणाऱ्या मुख्य नाल्याची पावसाळ्यापूर्वी नालेसफाई करण्यात आली होती. मात्र ही नालेसफाई व्यवस्थित न झाल्यामुळे अजूनही या नाल्यात कचरा असल्याची तक्रार भाजपाचे अंबरनाथ पश्चिम सचिव श्रीनिवास आदीमूलम यांनी अंबरनाथ नगरपालिकेत केली होती. तसंच या नाल्याचं पाणी नागरिकांच्या घरात शिरत असल्यामुळे नाल्याची व्यवस्थित सफाई करण्याची मागणी त्यांनी केली होती. मात्र याचा राग धरून स्वामीनगर परिसरातील दोन ते तीन जणांनी मिळून त्यांना रात्रीच्या सुमारास मारहाण केली. या मारहाणीचा व्हिडिओ देखील व्हायरल झाला आहे.

भोरच्या बनेश्वर मंदिरातील शिवलिंगातून पाणी वाहू लागले; भाविकांची गर्दी

पुणे जिल्ह्यातील प्रसिद्ध शिवकालीन श्री क्षेत्र बनेश्वर मंदिरातील शिवलिंगातून गेल्या काही दिवसांपासून पाणी वाहू लागले आहे.

भोर तालुक्यात सुरू असलेल्या जोरदार पावसामुळे शिवलिंगाच्या रचनेनुसार नैसर्गिक स्वरूपात हे पाणी वाहू लागते. दरवर्षी जास्त पावसाळा झाल्यास शिवलिंगातून पाणी वाहते, असा अनुभव ग्रामस्थांनी सांगितला.

श्रावण महिन्यात ही घटना घडल्यामुळे भाविकांची मंदिरात मोठी गर्दी होत आहे. पांडवकालीन मानले जाणारे हे मंदिर पेशव्यांच्या काळात जीर्णोद्धारित झाले असून, गर्भगृहात ‘सद्योजात’, ‘वामदेव’, ‘अंघोर’, ‘ईशान’ व ‘तत्पुरुष’ अशी पाच शिवलिंगे दगडी स्तंभावर विराजमान आहेत.

उल्हासनगर मधील रस्ता बनला वाहनतळ

उल्हासनगर शहरातील कॅप नंबर पाच भागातील कैलास कॉलनी रस्ता,हा वाहनतळ आहे की रस्ता असा प्रश्न विचारायची वेळ आलीआहे. कारण या रस्त्याच्या कडेला अवजड वाहन खाजगी बसेस ,टेम्पो राजरोसपणे उभे केलेले असतात , त्यामुळे हा रस्ता वाहनांना जाण्या येण्यासाठी आहे की पार्किंग साठी असा सवाल नागरिक विचारत आहेत. या रस्त्याला स्मशानभूमी असून येथे अंतयात्रे साठी आलेल्या नागरिकांना वाहन उभी करण्यासाठी जागाही नसते, त्यामुळे पालिकेने हे अनधिकृत वाहन उभी करण्यास बंद करावीत अशी मागणी नागरिक करत आहेत .

चंद्रेश्वर गडावर चंद्रेश्वर महादेवाच्या दर्शनाला भाविकांची गर्दी.

नाशिकच्या चांदवड येथिल डोंगर रांगा मध्ये निर्सग रम्य वातावरणातील पुरातन चंद्रेश्वर महादेवाच्या दर्शनाला भाविकांची श्रावणातील दुस-या सोमवारी सकाळ पासूनच गर्दी झाली.शिस्तबध्द पध्दतीने भाविकांनी भगवान चंद्रेश्वर महदेवाचे दर्शन घेतले.तर स्वामी जयदेवपुरी महाराज यांच्या हस्ते अभिषेक करण्यात ला.चंद्रेश्वर गडावर निर्सगरम्य वातावरण असल्याने पर्यंटना बरोबरच भाविकांची गर्दी होत असते.श्रावण महिन्या बरोबरच शिवरात्राला चंद्रेश्वर गडावर भाविकांची गर्दी होत असते.

तुम्ही पैसे दिले म्हणजे स्वतःच्या घरातून दिले नाही मुख्यमंत्री शेतात व वखराला गेले होते का?? आमचे पैसे आहे आमचा अधिकार आहे हे टोमणे मारणे बंद करा आम्हाला देखील बोलता येतं तुमच्यापेक्षा वाईट बोलता येतं हे विसरू नका - बच्चू कडू

दुसऱ्या श्रावणी निमित्त शिवमंदिर भक्तांनी फुलले

दुसऱ्या श्रावणी सोमवार निमित्त आठवे ज्योतिर्लिंग असलेल्या औंढा नागनाथ मध्ये शिवभक्तांचा उत्साह पाहायला मिळाला आहे सकाळपासून हजारोंच्या संख्येने औंढा नागनाथ मंदिर परिसरात शिवभक्तांनी दीड किलोमीटर रांगा लावल्याचे पाहायला मिळालं दरम्यान औंढा नागनाथ संस्थानकडून या सोमवारी पूजेचा मान औंढा पोलीस स्टेशनचे पोलीस निरीक्षक

गणपत राहिरे यांना दिला होता, राहिरे कुटुंबाने सपत्निक प्रभू शिवशंकराची पूजा करत दुग्ध अभिषेक केला

श्रावण महिन्यात शिवभक्तांच्या संरक्षणाची जबाबदारी पोलीस घेतात त्या पोलिसांविषयी कृतज्ञता म्हणून प्रथम पूजेचा मान पोलीस अधिकाऱ्यांना मिळाला तर पोलीस कर्मचाऱ्यांना देखील दर्शनासाठी मुभा देण्यात आली होती.

कोथरूड प्रकरणासंदर्भात रूपाली चाकणकरांनीही घेतली दखल-

राज्य महिला आयोगाच्या अध्यक्षा रूपाली चाकणकर यांनी दखल घेतली

कोथरुड पोलिसांनी मारहाण केल्याचा आरोप करणाऱ्या तीन मुलींना रुपाली चाकणकर यांनी फोन केला.

पुणे पोलीस आयुक्त अमितेश कुमार यांच्याशी चर्चा करणार असल्याची माहिती रूपाली चाकणकरांनी दिली.

जाहिरातीतून 'पीएसआय' पद गायब विद्यार्थ्यांना धक्का; सरकारवर नियोजनशून्यतेचा आरोप

राज्य सरकारच्या यंत्रणेत पोलिस उपनिरीक्षक (पीएसआय) पदांची दोन हजारांहून अधिक पदे रिक्त असताना, महाराष्ट्र लोकसेवा आयोगाच्या (एमपीएससी) नुकत्याच जाहीर झालेल्या गट-ब संयुक्त पूर्व परीक्षेच्या जाहिरातीत पीएसआय पदांचा उल्लेखही नाही, ही बाब राज्यभरातील हजारो विद्यार्थ्यांसाठी धक्कादायक ठरली आहे. परिणामी, सरकारच्या नियोजनशून्यतेवर आणि आयोगाच्या भूमिकेवर विद्यार्थ्यांतून संताप व्यक्त होत आहे.

सहारा एअर कार्गोतील कस्टम अधीक्षक 10.20 लाखांची लाच घेताना अटक

मुंबई – सीबीआयने सहार एअर कार्गो, मुंबई येथे नियुक्त कस्टमचे अधीक्षक यांना 10.20 लाख रुपयांची लाच घेताना रंगेहात अटक केली. कस्टम हाऊस एजंटकडून (CHA) माल साफसफाईसाठी प्रति किलो 10 रुपये दराने लाच मागण्यात येत होती.

अधिकाऱ्याने आधी क्लिअर केलेल्या मालावर 6 लाखांची मागणी केली होती. तर सध्या अडवलेला माल सोडण्यासाठी 10 लाख रुपये घेतले. 2 ऑगस्ट 2025 रोजी सापळा रचून अटक करण्यात आली असून न्यायालयाने 6 ऑगस्टपर्यंत पीसीआर मंजूर केला आहे. सीबीआय कडून चौकशी सुरू आहे.

शिरूर तालुक्यातील पिंपरी दुमालातील सोमेश्वर मंदिरात भाविकांची अलोट गर्दी

श्रावण महिन्याच्या पार्श्वभूमीवर शिरूर तालुक्यातील पिंपरी दुमाला येथील श्री सोमेश्वर मंदिरात सोमवारी हजारो भाविकांनी मनोभावे दर्शन घेतले. पहाटेपासूनच मंदिर परिसर भाविकांनी गजबजून गेला होता. अभिषेक, पूजन, आरती यामध्ये भाविकांनी सहभाग घेत भक्तीभाव व्यक्त केला.

दुसऱ्या श्रावण सोमवारी परळीत प्रभू वैद्यनाथाच्या दर्शनासाठी हजारो भाविकांची गर्दी

देशात असलेल्या बारा ज्योतिर्लिंगापैकी पाचवे असलेल्या प्रभु वैद्यनाथाच्या दर्शनासाठी आज दुसर्‍या श्रावण सोमवार निमित्ताने भाविकांनी मोठी गर्दी केली.सकाळपासूनच भाविक भक्तांनी रांगा लावल्या होत्या. मंदिर परिसर भक्तीमय वातावरणाने फुलून गेला.दिवसभरात विविध राज्यातून हजारो भाविकांनी प्रभू वैद्यनाथाचे दर्शन घेतले.वैद्यनाथ मंदिर परिसरात श्रावण महिन्यानिमित्त विविध धार्मिक कार्यक्रमाचे आयोजन केले आहे.

संतोष देशमुख खून प्रकरणाची आज बीडच्या विशेष न्यायालयात 11वी सुनावणी

- आरोपी वाल्मीक कराडच्या मालमत्ता जप्तीच्या अर्जावर निर्णय येणार.

- वाल्मीक कराडच्या जामीन अर्जावर युक्तिवाद होणार

वाल्मीक कराड सोडता इतर सर्व आरोपींच्या दोष मुक्तीच्या अर्जावर देखील सुनावणी होणार.

- विशेष सरकारी वकील उज्वल निकम येणार नसल्याची माहिती.

- विशेष सहाय्यक सरकारी वकील बाळासाहेब फुले आज विशेष न्यायालयात काम पाहणार

फिल्मी स्टाईलने पाठलाग करत लिफ्टमध्ये जाणाऱ्या महिलेला लुटले; शिरूरकर संतप्त

शहरातील गजबजलेल्या रामलिंग रोड परिसरात भरदिवसा आणि लोकवस्तीमध्ये चोरट्यांनी फिल्मी पद्धतीने पाठलाग करत लिफ्टमध्ये जात असलेल्या महिलेला लक्ष्य करत तिच्या गळ्यातील मंगळसूत्र हिसकावून धूम ठोकली. गर्दी असतानाही चोरटे कोणालाही भीक न घालता निर्भीडपणे चोरी करून पसार झाले.ही घटना फक्त एकटी नाही. कालच याच परिसरात 65 वर्षीय वृद्ध महिलेच्या गळ्यातील दागिने हिसकावण्याचा प्रकार घडला होता. दोन दिवसांत दोन महिला लुटल्या गेल्याने महिलांमध्ये भीतीचे वातावरण निर्माण झाले असून नागरिकांमध्ये पोलिस प्रशासनाविषयी रोष आहे.

राज्यात ऑगस्टमध्ये सरासरीपेक्षा कमी पाऊस पडण्याची शक्यता

सप्टेंबरमध्ये पुन्हा चांगला पाऊस होण्याची शक्यता भारतीय हवामानशास्त्र विभागाने (आयएमडी) वर्तविली

नैऋत्य मान्सून हंगामाच्या दुसऱ्या सहामाहीसाठी वेधशाळेने पावसाचा अंदाज जाहीर केला आहे.

आयएमडीच्या नैऋत्य मान्सून हंगामाच्या दुसऱ्या सहामाहीत आणि मासिक पाऊस आणि तापमानाचा अंदाज या दीर्घकालीन अंदाजानुसार ऑगस्ट – सप्टेंबर या कालावधीत संपूर्ण भारतात सरासरीपेक्षा जास्त पाऊस पडण्याची शक्यता

आयएमडीने दिलेल्या संभाव्य अंदाज नकाशांनुसार सामान्यपेक्षा जास्त पाऊस पडण्याची शक्यता आहे.ऑगस्टमध्ये महाराष्ट्रात कमी पाऊस पडण्याची शक्यता

पुणे मेट्रोला मिळतोय प्रवाशांचा भरभरून प्रतिसाद; जुलै महिन्यात 60 लाखांचा टप्पा पार

शहरात वाहतूककोंडीचा त्रास वाढत असतानाच, पुणे मेट्रोने प्रवाशांच्या दृष्टीने नवा उच्चांक गाठला आहे.

-गेल्या दोन महिन्यांत मेट्रोने सातत्याने प्रवासीसंख्येत वाढ नोंदवली असून,जुलै महिन्यात तब्बल 59 लाख 58 हजारांहून अधिक प्रवाशांनी मेट्रोचा वापर केला

-ही आतापर्यंतची सर्वाधिक मासिक प्रवासी संख्या आहे.

-पीएमपी तिकीट दरवाढीचा परिणाम मेट्रोच्या फायद्यात?

-1 जूनपासून पीएमपीने बसचे तिकीट दर वाढवले असून, याचा काहीसा परिणाम मेट्रोच्या प्रवाशांवर होत असल्याचे दिसते.

-महामेट्रोकडून सध्या वनाझ ते रामवाडी आणि पिंपरी-चिंचवड ते स्वारगेट हे दोन मार्ग कार्यरत आहेत. लांब पल्ल्याची सुलभ, वेळेत आणि वाहतूककोंडीविना सेवा यामुळे प्रवाशांचा कल मेट्रोकडे झुकतो आहे. दररोज सरासरी 1 लाख 93 हजार नागरिक मेट्रोने प्रवास करत आहेत.

शेतकऱ्याकडील साठवून ठेवलेले सोयाबीन संपले

लातूर जिल्ह्यातील अनेक शेतकऱ्यांना सोयाबीन भाव वाढीची अपेक्षा होती, भाववाढीच्या अपेक्षेने मागील हंगामातील सोयाबीन शेतकऱ्यांनी घरात साठवून ठेवले होते, मात्र मागच्या एक वर्षापासून सोयाबीनच्या दरात सातत्याने घसरण होताना दिसली, त्यामुळे बहुतांश शेतकऱ्यांनी मिळेल त्या दरात सोयाबीन विक्री केली, तर सध्या बाजारात सोयाबीनची आवक कमी झाल्याने सोयाबीनचा दर 300 रुपयांनी वाढला आहे,4 हजार 600 रुपये प्रतिक्विंटल असा सोयाबीनला भाव मिळतो आहे. तर आवक घटल्याने, भाव वाढला आहे. मात्र शेतकऱ्याकडे सध्या सोयाबीन शिल्लक नाही. त्यामुळे वाढलेल्या भावाचा शेतकऱ्यांना कसलाही फायदा होणार ,नसल्यास दिसत आहे.

जालना जिल्ह्यातील मोसंबी बागा संघटक, झाडाखाली पडतोय फळांचा सडा ,शेतकरी चिंतेत.

जालना जिल्ह्यातील मोसंबी उत्पादक शेतकरी चिंतेत सापडला आहे. सध्या मोसंबी उत्पादक शेतकरी फळगळतीमुळे हवालदिल झाला आहे. जालन्यातील घनसावंगी, जालना यासह जिल्हाभरातील शेतकऱ्यांनी मोठ्या मेहनतीने मोसंबी पिकाची जोपासना केली मात्र ऐन मोसंबीला फळ लागल्यानंतर मोठ्या प्रमाणात फळगळती होत असल्याने शेतकरी चिंताग्रस्त झाला आहे. जिल्ह्यातील मोसंबी उत्पादक शेतकरी मोसंबी फळगळतीमुळे चिंताग्रस्त झाला असून अनेक वर्षापासून जोपासलेल्या फळबागांवर फळगळतीचे मोठे संकट ओढावले आहे त्यामुळे शेतकरी हतबल झाला आहे. कृषी विभागाने शेतकऱ्यांना योग्य मार्गदर्शन करण्याची मागणी शेतकरी करत आहे.

सांगलीच्या कृष्णा नदीपात्रात रंगल्या होड्यांच्या शर्यती..

सांगलीच्या पोषण अधिपत्रामध्ये श्रावण मास निमित्ताने होड्यांचा शर्यती पार पडल्या.संकल्प फाउंडेशन कडून आयोजित करण्यात आलेल्या होड्यांच्या शर्यतीमध्ये कृष्णा व वारणा नदीकाठच्या 11 संघांनी सहभाग घेतला होता.अत्यंत चुरशीने आणि थरारक अशा पार पडलेल्या होड्यांच्या शर्यतीमध्ये सांगलीवाडीच्या बोट क्लबने प्रथम क्रमांक पटकावला तर कसबे डिग्रजच्या बोट क्लबने दुसरा क्रमांक पटकावला. दरवर्षी कृष्णा नदीच्या पात्रामध्ये श्रावण महिन्यानिमित्ताने घोड्यांच्या शर्यती घेण्याची परंपरा आहे.कृष्णा नदी पात्रामध्ये रंगलेल्या या होड्यांच्या शर्यतीचा थरार पाहण्यासाठी हजारो सांगलीकरांनी कृष्णा नदीकाठावर गर्दी केली होती.

कराड रोडवरील रेल्वे भुयारी मार्ग आज पासून 20 दिवस बंद राहणार

पंढरपूर शहरातील कराड रोडवरील रेल्वे पुलाखालील रस्त्याच्या कामासाठी हा भुयारी मार्ग आज पासून पुढे 25आॅगस्ट पर्यंत बंद राहणार आहे. या संदर्भात रेल्वे विभागाने लेखी पत्र दिले आहे. दरम्यानच्या काळात या मार्गावरून होणारी वाहतूक ही पुणे रोडवरील सरगम चौक आणि टाकळी रोड रेल्वे पुलाखालून वळवण्यात आली आहे. या ठिकाणी वाहतूक कोंडीची समस्या निर्माण होण्याची शक्यता आहे.

श्री क्षेत्र भिमाशंकराची महादेव नगरी सजली 

श्रावण महिन्याचा दुस-या सोमवारी बारा ज्योतिर्लिंगांपैकी एक असलेल्या श्री क्षेत्र भिमाशंकराची महादेव नगरी सजलीय

दुस-या सोमवारी पहाटे मुख्य शिवलिंगावर दुग्धाभिषेक करुन महाआरती शंखनाद करण्यात आला यावेळी भिमाशंकरच्या मंदिर आणि मुख्य गाभारा विविध फुलमाळांनी सजावट करण्यात आली दरम्यान हर हर महादेव, ओम नम शिवाय च्या जयघोषात महादेवाची नगरी दुमदुमुन गेली

श्रावण महिन्याच्या दुस-या सोमवारी भिमाशंकरला भाविकांनी गर्दी केली

पहाटेची महाआरती शंखनाद झाल्यानंतर मंदिर भाविकांसाठी खुल करण्यात आलं यावेळी रात्रीपासुन दर्शन मार्गावर असलेल्या भाविकांनी मोठ्या भक्तीभावाने भगवान शंकराची आराधना करत दर्शन घेतलं

यावेळी भिमाशंकर मंदिरातुन आढावा घेत भाविकांशी बातचीत केलीय आमचे प्रतिनिधी रोहिदास गाडगे यांनी

विठ्ठल मंदिर समिती व्यवस्थापकाची चौकशी पूर्ण

विठ्ठल रुक्मिणी मंदिर समितीच्या व्यवस्थापकावर करण्यात आलेल्या आरोपाची चौकशी पूर्ण झाली आहे. या चौकशी मध्ये ज्याने आरोप केले होते. त्या तक्रारदाराने आपली तक्रार नसल्याचे लेखी पत्र चौकशी समितीला दिले आहे. त्यामुळे मंदिर समितीचे व्यवस्थापक मनोज श्रोत्री यांना क्लीन चिट मिळाली आहे.

आषाढी वारी काळात मंदिर समितीचा मंडप टाकण्याचा ठेका मिळवून देतो म्हणून व्यवस्थापकांनी टक्केवारी घेतल्याचा कथित आरोप करण्यात आला होता. त्यानंतर समितीने अॅड‌.माधवी निगडे यांच्या अध्यक्षतेखाली समिती गठीत केली होती. या समितीने या प्रकरणी चौकशी केली असता तक्रारदाराने आपली याबाबत तक्रार नसल्याचं पत्र दिले आहे. मंदिर समिती आता तक्रारदारावर काय कारवाई करणार हे पाहावे लागणार आहे.

लातूर पोलिसांची मोठी कारवाई, दरोडे च्या तयारीत असणाऱ्या 5 जणांना पोलिसांनी घेतलं ताब्यात

लातूर जिल्ह्यातल्या औसा इथ लातूर तुळजापूर महामार्गावर मध्यरात्री दरोडेच्या तयारीत असणाऱ्या 5 जणांच्या टोळक्याला लातूर पोलिसांनी ताब्यात घेत ,कारवाई केली आहे. दरम्यान या कारवाईत पोलिसांनी धारदार शस्त्रासह 5 जणांना ताब्यात घेतल आहे. तर सात लाख रुपयांचा मुद्देमाल देखील पोलिसांनी जप्त केलाय, दरम्यान मागच्या काही दिवसापासून जिल्ह्यातल्या अनेक भागात चोरीचे प्रमाण वाढले आहे .,त्यामुळे नागरिकांनी रात्रीची गस्त वाढवावी आणि सावधगिरी बाळगण्याच आव्हान त्यावेळी पोलिसांनी केले आहे.

मराठा आरक्षणासाठी मुंबईत मोठ्या संख्येने जाण्याचा समाज बांधवांचा निर्धार

मराठा समाजाच्या आरक्षणासाठी मनोज जरांगे हे मुंबई येथे 29 ऑगस्टला उपोषण करणार आहेत, तर या उपोषणास सहभागी होण्यासाठी लातूर जिल्ह्यातील सकर मराठा समाजाने निर्धार केला आहे, सकल मराठा समाजाची लातूर येथे बैठक संपन्न झाली, या बैठकीत चलो मुंबई, या आंदोलनाच्या अनुषंगाने नियोजन करण्याच्या सूचना गावात दिल्या आहेत., यावेळी मोठ्या संख्येने सकल मराठा समाजातील कार्यकर्ते उपस्थित होते.

नियम मोडणाऱ्या वाहनांना दीड कोटींचा दंड

जानेवारी ते जुन या सहा महिन्याच्या कालावधीत यवतमाळ जिल्ह्यातील वाहनधारकांना एक कोटी 51 लाख 4 हजार 900 रुपयांचा दंड टोटवण्यात आला आहे चार चाकी दुचाकी आणि मालवाहू वाहन चालकांकडून सर्रास वाहतूक नियम मोडले जातात त्यामुळे कारवाई करण्यात येत आहे. जिल्हा वाहतूक शाखेच्या सहा उपविभागातील पथकाने अशा नियम मोडणाऱ्यांना हेरून त्यांच्यावर दंडात्मक कारवाई केली आहे.

रत्नागिरी - निवळत गॅस वाहतूक करणारा टँकर पलटी

रत्नागिरी - निवळी येथे गणपतीपुळे रोडवर गॅस वाहतूक करणारा टँकर पलटी

निवळी - गणपतीपुळे रोडवरची घटना; वाहतुकीवर कोणताही परिणाम नाही

मागील दोन महिन्यातील तिसरी घटना

पलटी झाल्यानंतर गॅस लिकेजचा कोणताही धोका नाही

जखमी टँकर चालकाला जिल्हा रुग्णालयात उपचारासाठी हलवले

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com