हिंगोली : रस्‍त्‍यावरून दुचाकीने पतीसोबत दुचाकीवरून प्रवास सुरू होता. रस्‍त्‍यावर गतिरोधक आल्‍याने गाडीचा वेग कमी केला. याची संधी साधत चोरट्याने महिलेच्या हातातील बॅग हिसकावून (Crime News) लाखो रुपयांचे दागिने लुटण्याचा धक्कादायक प्रकार (Nanded) नांदेड– हिंगोली राष्ट्रीय महामार्गावर घडला आहे. (Tajya Batmya)

महामार्गावर झालेल्‍या या प्रकाराने खळबळ (Hingoli) उडाली आहे. घटनेतील फिर्यादी शेषराव गारोळे हे पत्नीसोबत गावाकडे जात होते. यावेळी शिवनी पाटीजवळ गतिरोधक असल्याने गारोळे यांनी गाडीचा वेग कमी केला. याच वेळी पाठीमागून दुचाकीवर आलेल्या चोरट्यांनी संधी साधत दागिन्‍यांची बॅग लंपास केली आहे.

चोरट्यांचा शोध सुरू

अचानक घडलेल्या या प्रकारामुळे राष्ट्रीय महामार्गावर भीतीचे वातावरण पसरले आहे. घटनेप्रकरणी कळमनुरी पोलिसात गुन्हा दाखल करण्यात आला असून पोलिसांचे पथक चोरट्यांच्या शोधासाठी रवाना झाले आहे.