हिंगोली : हिंगोलीत चोरीच्या घटनेचा तपास करताना पोलिसांच्या चौकशीमध्ये एक विचित्र प्रकार पुढे आला आहे. (Hingoli) ऑनलाईन रामी गेम खेडतांना पैसे हरल्याने; रस्त्याने मारहाण करत पैसे चोरी झाल्याचा बनाव केल्याचे समोर आले आहे. याप्रकरणी आरोपी तरुणासह अन्य दोघांवर (Police) गुन्हा दखल करण्यात आला आहे. (Live Marathi News)

ऑनलाइन रमी सर्कलवर गेम खेळताना पैसे हरल्याने एका तरुणाने आपल्याला चोरट्याने रस्त्यात अडवून मारहाण करत लुटल्याची तक्रार दाखल केली होती. मात्र फिर्यादी तरुणाचा संशय आल्याने पोलिसांनी या प्रकरणाची सविस्तर चौकशी केली. यामध्ये तक्रारदार तरुण हा डेली न्यूज डिलिव्हरीचे (Crime News) काम करत होता. चोरीच्या घटनेच्या दिवशी हा तरुण ऑनलाइन रमी सर्कलवर गेम खेळताना पन्नास हजार रुपयांची रक्कम हरला होता.  

पैसे हरल्यानंतर मालकाला आता कुठून द्यायचे. हा प्रश्न त्याच्या पुढे उभा राहिल्याने या तरुणाने आपल्या दोन सहकारी मित्राच्या सहाय्याने चोरी झाल्याचा बनाव केला. मात्र पोलिस अधिकाऱ्यांनी पोलिसी खाक्या दाखवताच या सगळ्या बनावाची या तरुणाने कबुली दिली आहे, यानंतर आता बासंबा पोलिसांनी आरोपी तरुण नितीन चिपाडे याच्यासह त्यांच्या दोन मित्रांविरोधात गुन्हा दाखल करत त्यांना अटक केली आहे.