हिंगोली : महाराष्ट्रासह मराठवाड्यात अनेक जिल्ह्यात मुसळधार पाऊस कोसळत आहे. मात्र हिंगोली जिल्ह्यात अद्याप देखील समाधानकारक पाऊस बरसला नसल्याने अनेक लघु प्रकल्प व धरणे कोरडीच आहेत. पाऊस पडत नसल्याने येलदरी धरणात ३० टक्के पाणीसाठा शिल्लक असल्याने जिल्ह्यात पाणी टंचाईचा सामना करावा लागत आहे. 

राज्यात मराठवाडा, विदर्भ परिसरात जोरदार पाऊस (Rain) सुरु आहे. मात्र पावसाळा सुरू होऊन दोन महिन्यांचा कालावधी उलटला असला तरी हिंगोली जिल्ह्यात हवा तसा पाऊस अद्याप पर्यंत झालेला नाही. यामुळे पाण्याची समस्या निर्माण झालेली आहे. परिणामी हिंगोलीच्या येलदरी धरणात (Yeldari Dam) मात्र केवळ ३० टक्केच पाणीसाठा जमा झाला आहे. पुढील काही दिवसात जिल्ह्यात समाधानकारक पाऊस नसून हे धरण भरल तर शेतीसह पिण्याच्या पाण्याचा प्रश्न सुटणार आहे. अन्यथा गतवर्षीप्रमाणे पुन्हा एकदा जिल्ह्याला पाणी टंचाईच्या झळा बसण्याची शक्यता आहे. 

दमदार पावसाची प्रतीक्षा 

हिंगोली (Hingoli) जिल्ह्यात चांगला पाऊस अद्याप झालेला नाही. यामुळे शेतात लागवड केलेल्या पिकांना देखील चांगल्या पावसाची गरज आहे. पिकांची वाढ होण्यासाठी खत देणे गरजेचे असून याकरिता शेतकरी पावसाची वाट पाहत आहे.