कोल्हापुरातील माधुरी हत्तीणीवरून राजकीय वातावरण तापलं आहे. वनतारामध्ये नेलेल्या माधुरी हत्तीणीसाठी कोल्हापूरकर आक्रमक झाले आहेत. या वादात आता हिंदुस्तानी भाऊ उर्फ विकास पाठकने उडी घेतली. हिंदुस्तानी भाऊने माधुरी हत्तीणीवरील आंदोलनावरून कोल्हापूरकरांतील आंदोलकांना शिवीगाळ केली आहे. हिंदुस्तानी भाऊच्या शिवीगाळीनंतर ठाकरे गटाने चोख प्रत्युत्तर दिलं आहे. हिंदुस्तानी भाऊला कोल्हापुरी पायताणाने चोपणार असल्याचा इशाराच ठाकरे गटाने दिला आहे.

माधुरी हत्तीणीसाठी कोल्हापूरकर एकवटले आहेत. हत्तीणीसाठी कोल्हापूरकरांतील आंदोलकांनी थेट उद्योजक अनंत अंबानी यांनी लक्ष्य केलं. जिओ सीमकार्ड दुसऱ्या कंपनीत पोर्ट करण्यासाठी मोहीम राबवण्यात आली. अंबानींच्या वनतारामध्ये नेण्यात आलेल्या माधुरी हत्तीणीसाठी हजारोंच्या संख्येने पदयात्रा देखील काढण्यात आली. आता याच वादात हिंदुस्तानी भाऊने उडी मारून थेट कोल्हापूरकरातील आंदोलकांना शिवीगाळ केली.

हिंदूस्तानी भाऊच्या टीकेला प्रत्युत्तर देताना ठाकरे गटाचे प्रशांत भिसे म्हणाले, 'हिंदुस्तानी भाऊला एकच गोष्ट गोष्ट सांगतो. कोल्हापूरकरांना शिवीगाळ करण्याच्या भानगडीत पडू नको. कोल्हापूरचं प्रॉडक्ट म्हणजे कोल्हापुरी चप्पल तुला माहीत आहे. त्या चप्पलेने तुझं तोंड फोडणार म्हणजे फोडणार. मराठी माणसाच्या नादी लागू नको हे लक्षात ठेव'.

हिंदूस्तानी भाऊ काय म्हणाला होता?

'अनंत अंबानींना कशाला बोलत आहात? तुम्ही अन्न खाता की x#%@?, अशा भाषेत हिंदूस्तानी भाऊने कोल्हापूरकरांना शिवीगाळ केली.

हिंदूस्तानी भाऊ नरमला

हिंदूस्तानी भाऊ आज स्पष्टीकरण देताना म्हटलं की, 'खूप लोकांना वाटतंय की, हिंदूस्तानी भाऊने कोल्हापूरकरांवर बोललो, पण तसं नाही. मी माझ्या आई आणि महालक्ष्मीची शपथ घेऊन सांगतो की, मी राजकारणी लोकांविषयी बोलत होतो. या आंदोलनातील राजकारणी लोकांचा खरा चेहरा समोर येईल'.