छत्रपती संभाजीनगरमध्ये पुन्हा एकदा हिजाबवरून वाद निर्माण झाले आहेत. छत्रपती संभाजीनगर मधील पीइएस कॉलेजमध्ये परीक्षेसाठी आलेल्या विद्यार्थिनीला बुरखा घालण्यास मनाई केली. त्यावरून काही तरुणांनी कॉलेजमध्ये जाऊन गोंधळ घातल्याचं समोर आले. या घटनेनंतर पोलीस ठाण्यात तक्रार नोंदवण्यात आली आहे.

छत्रपती संभाजीनगर मधील पीइएस शिकणाऱ्या एका तरुणीने परीक्षेला जाताना आपल्याला बुरखा काढण्याचे सांगण्यात आल्याचे सांगितले. त्यावरून काही तरुणांनी सोमवारी प्राचार्य डॉ. अभिजित वाडेकर यांच्या केबिनमध्ये गोंधळ घातला. एमआयएम विद्यार्थी संघटनेचे पदाधिकारी असल्याचे म्हणत टोळक्याने प्राचार्याच्या कार्यालयात प्रवेश केला. आणि गोंधळ घातला म्हणून प्राचार्य डॉ. अभिजित वाडेकर यांनी गुन्हा दाखल केला. मात्र परीक्षेला जात असताना कोणत्याही तरुणीला इजाब किंवा बुरखा काढण्यास सांगितले नाही तसा प्रकारे झाला नसल्याचे प्राचार्यांनी सांगितले.

एकीकडे पोलिसात गुन्हा दाखल करण्याची प्रक्रिया सुरू असताना आज पुन्हा काही एमआयएमचे कार्यकर्ते महाविद्यालयात आले. महाविद्यालयात येऊन त्यांनी याबाबत प्राचार्यांना जाब विचारला, यावेळी प्राचार्य आणि एमआयएम कार्यकर्त्यांमध्ये शाब्दिक चकमक झाली. शेवटी पोलिसांनी केलेल्या मध्यस्थीमुळे हा वाद मिटला.

परीक्षेला जात असताना शिक्षकांनी नियम सांगितले आणि त्याची तक्रार प्राचार्याकडे केली. त्यानंतर कॉलेजमध्ये येऊन टोळक्यांनी गोंधळ घातला मात्र हे प्रकरण आता पोलिसांपर्यंत पोहोचले आहे. आता हा वाद तात्पुरता मिटला असला तरी पुन्हा एकदा छत्रपती संभाजीनगरमध्ये बुरख्याचा मुद्दा चर्चेत आला आहे.