रायगड : जिल्ह्यात पावसाने जोरदार हजेरी लावली आहे. मुसळदार पावसामुळे काही गावांच संपर्क तुटला आहे. तसेच या मुसळधार पावसामुळे महाड-रायगड रस्ता वाहतुकीसाठी बंद करण्यात आला आहे. या पावसामुळे जोड नदीच्या पाणी पातळीतही मोठी वाढ झाली आहे.

महाकाय झाड कोसळले

रायगडमधील म्हाप्रळ पंढरपूर मार्गावर महाकाय झाड कोसळले आहे. महाड जवळच्या चोचिंदे गावाजवळची ही घटना आहे. मुसळधार पावसामुळे वडाचे झाड रस्त्यावर पडले. यामुळे या मार्गावरील वाहतूक पूर्णपणे ठप्प झाली आहे.

खाडी पट्टयाचा संपर्क तुटला

महाडच्या खाडी पट्टयाचा संपर्क तुटला आहे. महाड म्हाप्रळ रस्त्यावर तेलंगे गावाजवळ रस्त्यावरून पाणी वाहत आहे. म्हाप्रळ पंढरपूर रस्त्याच्या कामाचा खाडी पट्टयातील रहिवाशांना फटका बसला आहे. तेलंगे येथील पुलाला तयार केलेला पर्यायी मार्ग पाण्याखाली गेला आहे. बांधकाम ठेकेदार आणि प्रशासनाविरोधात ग्रामस्थांमध्ये संताप केला आहे.