Sangli Rain Updates : सांगली जिल्ह्यातील शिराळा तालुक्यातील चांदोली धरण व वारणा नदीच्या पाणलोट क्षेत्रात परिसरात सुरू असलेल्या मुसळधार पावसामुळे वारणा नदी पात्राच्या बाहेर पडली आहे. त्यामुळे शेतामध्ये पाणी शिरले आहे. (Maharashtra News)

सांगली जिल्ह्यातील शिराळा तालुक्यातील मांगले सावर्डे वारणा नदीवरील पूल पाण्याखाली गेला आहे. त्यामुळे वारणा नदीकाठच्या शेतकऱ्यांना आणि नागरिकांना प्रशासनाकडून सतर्कतेचा इशारा देण्यात आला आहे.

नदी काठावरील जनावरे असणाऱ्या शेतकऱ्यांनी (farmers) ती सुरक्षित ठिकाणी हलवावीत. तसेच नागरिकांनी, युवकांनी कोणत्याही परिस्थितीत नदी, नाले, ओढा यामध्ये प्रवेश करु नये आणि पुलावरुन पाणी वाहत असल्यास पुल ओलांडू नये. त्याचप्रमाणे वाहत्या पाण्यामध्ये कोणीही पोहण्याचा प्रयत्न करु नये, असे आवाहन प्रशासनाने केले आहे.

Edited By : Siddharth Latkar