रत्नागिरी: गेल्या काही दिवसापासून विश्रांती घेतलेल्या पावसाने (Rain) पुन्हा सुरूवात केली आहे. कोकणात मागील १२ तासापासून पुन्हा पावसाने सुरूवात केली आहे. रत्नागिरी-चिपळूणमध्ये मुसळधार पाऊस झाला, कोकणातील रायगड, रत्नागिरी आणि सिंधुदुर्गासाठी हवामान विभागाकडून ऑरेंज अलर्ट जारी करण्यात आला आहे. पुणे, कोल्हापूर आणि साताऱ्यातील घाट माथ्यासाठी पुढील पाच दिवसांसाठी ऑरेंज अलर्ट जारी करण्यात आला आहे.

नारळी पौर्णिमेपर्यंत जोरदार पावसाची शक्यता वर्तवण्यात आली आहे. गटार साफ न केल्याने अनेक ठिकाणी पाणी साचल्याचे दिसत आहे. पावसामुळे चिपळूणमध्ये रस्ते पाण्याखाली गेले आहेत. (Rain Update)

मुंबईत ७ आणि ८ ऑगस्ट रोजी काही ठिकाणी मुसळधार

बंगालच्या उपसागरात कमी दाबाचे क्षेत्र तयार झाले आहे. अरबी समुद्रात कमी दाबाचा पट्टा तयार झाल्याने पावसाचा (Rain) राज्यात जोर वाढणार आहे. मुंबईत ७ आणि ८ ऑगस्ट रोजी काही ठिकाणी मुसळधार पावसाचा अंदाज तर ९ आणि १० ऑगस्ट रोजी अतिमुसळधार पावसाचा इशारा हवामान विभागाने दिला. मराठवाड्यात ९ आणि १० ऑगस्ट रोजी काही ठिकाणी अतिमुसळधार पावसाचा अंदाज वर्तवण्यात आला आहे.

कोकणात आज सकाळपासून पुन्हा पावसाने सुरूवात केली आहे. हवामान विभागाने ६ आणि ७ ऑगस्ट रोजी अतिवृष्टीची शक्यता वर्तवली होती. ८ ते १० ऑगस्ट रोजी काही ठिकाणी अतिवृष्टीची शक्यता आहे. कोकणातील रायगड, रत्नागिरी आणि सिंधुदुर्गासाठी हवामान विभागाकडून ऑरेंज अलर्ट जारी करण्यात आला आहे.