Manasvi Choudhary
रोटी म्हणजेच चपाती हा भारतीय आहारातील महत्वाचा घटक आहे. भारतात प्रत्येक घरांमध्ये वेगवेगळ्या पद्धतीची रोटी बनवली जाते.
तुम्हालाही नेहमीच्या रोटीपेक्षा वेगळी रोटी ट्राय करायची असेल तर तुम्ही हॉटेल स्टाईल मऊ आणि पातळ रूमाली रोटी ट्राय करू शकता.
रूमाली रोटी ही मऊ आणि चवदार असते. डाळ, ग्रेव्ही आणि भाजी कोणत्याही पदार्थांसोबत ही रोटी तुम्ही खाऊ शकता.
अनेकांना असे वाटते की, हॉटेल स्टाईल रूमाली रोटी घरी बनवणे अवघड आहे मात्र असे नाही तुम्ही घरी तव्यावर ही रोटी सहज बनवू शकता.
रूमाली रोटी बनवण्यासाठी सर्वातआधी एका मोठ्या भांड्यात गव्हाचे पीठ आणि मैदा चांगला मिक्स करा.
या मिश्रणात थोडे पाणी टाका आणि पीठ मऊ मळून घ्या. पीठ जेवढे मऊ असेल तेवढी पोळी चांगली होते हे लक्षात ठेवा.
पीठ मळून झाल्यावर २ ते ३ तास झाकून ठेवा. पीठ मुरलं की पोळ्या लाटायला सोप्या पडतात.
त्यानंतर तयार पिठाचे छोटे,छोटे गोळे बनवा. एक गोळा घ्या. पिठात घोळवून घ्या पोलपाटावर लाटून घ्या. पोळी पातळ लाटून घ्या.
यानंतर गॅसवर गरम तव्यावर पोळी शेकून घ्या. पोळी दोन्ही बाजूंनी शेकल्यावर रंग बंदलेल.
पोळी जास्त शेकणार नाही याची काळजी घ्या कारण ती मऊ होण्याऐवजी कडक होऊ शकते.