Solapur News : सोलापूर शहारात पाण्याचे संकट अधिक गडद होण्याची चिन्हं निर्माण झाली आहेत. येत्या रविवारपासून (ता. 25 जून) शहराचा पाणीपुरवठा अर्ध्या तास कमी केला जाणार आहे. नागरिकांनी पाण्याचा काटकसरीने वापर करावा असे आवाहन प्रशासनाने केले आहे. (Maharashtra News)

सोलापूर जिल्ह्यात पावसाने हुलकवणी दिली आहे. उजनी धरणातील जलसाठा घटत चालला आहे. सोलापूरकरांना आता भीषण जल संकटाला सामोरे जावे लागणार आहे. येत्या रविवार पासून नागरिकांना पाणीपुरवठा अर्ध्या तासाने कमी होणार आहे. महापालिकेच्या पाणीपुरवठा विभागाने उजनी पंप हाऊस येथून दुबारा पंपिंगची तयारी केली आहे.

सोलापूर शहराची वरदायिनी असणारी उजनी धरण 30 टक्के वजा पातळी गाठली आहे. सोलापूर शहरातील अनेक भागात पाच ते आठ दिवसाड पाणीपुरवठा होतो. जलसाठात घट झाल्यामुळे महानगरपालिकेवर दुबारा पंपिंगची वेळ आली आहे. यातून सोलापूरकरांना अर्धा तास कमी पाणी दिले जाणार आहे. वेळेत पाऊस होण्याची गरज आहे. मात्र तसे न झाल्यास सोलापूरकरांवर पाण्याचे (water) संकट भीषण होण्याची शक्यता आहे.

Edited By : Siddharth Latkar