बुलढाणा : गुरुपाेर्णिमा (guru purnima 2022) निमित्त संतनगरी शेगाव (shegoan) येथे श्री संत गजानन महाराज यांच्या दर्शनासाठी राज्यभरातील भाविक तसेच नागरिक (citizens) माेठ्या संख्येने आले आहेत. यामुळे मंदिराच्या (temple) परिसरामध्ये भक्तांची गर्दी झाली आहे. (guru purnima latest marathi news)

बुलढाणा (buldhana) जिल्ह्यातील संत गजानन महाराज यांचे शेगाव या गावाची ओळख विदर्भातील पंढरी म्हणून आहे. आज गुरुपौर्णिमा निमित्त शेगावला गजानन महाराज यांच्या दर्शनासाठी राज्यभरातून हजारो भाविक दर्शनासाठी येतात. आपली इच्छा बाबांकडे प्रकट करतात. गजानन महाराजांना आपला गुरु मानून त्यांचा आशीर्वाद घेणयासाठी भाविक शेगावला येत असतात. आजही येथे माेठ्या संख्येने भाविक आले आहेत.

यामुळे संतनगरी शेगावात भक्तिमय वातावरण निर्माण झाले आहे. या परिसरातील पायी दिंडी गुरुपौर्णिमाच्या दिवशी म्हणजेच आज सकाळपासून शेगावात दाखल हाेऊ लागल्या आहेत. या भागात रात्रीपासून मुसळधार पाऊस सुरू आहे. भर पावसात शेगावात भाविकांनी मंदिराच्या बाहेर गजानन महाराज यांच्या दर्शनासाठी रांग लावली आहे. आज सकाळी आरती झाल्यानंतर अनेक जण आपआपल्या गावी परतू लागले आहेत. एकंदरीतच गुरुपाेर्णिमा निमित्त आज शेगावात उत्साहाचे वातारवण आहे.

Edited By : Siddharth Latkar