योगेश काशीद, साम टीव्ही

माझे पती आत्महत्या करूच शकत नाही, गेल्या आठ दिवसांपासून त्यांना मानसिक त्रास दिला जात होता. गाडीमध्ये सुसाईड नोट असल्याचे सांगितले जात आहे. मात्र ती आम्हाला दाखवण्यात आलेली नाही. ती आम्हाला दाखवावी. त्या आरोपीला तात्काळ अटक करावी अशी मागणी मयत जीएसटी अधिकारी सचिन जाधव यांच्या पत्नी मयूरी जाधवर यांनी केली.

आठ दिवसांपासून माझ्या पतीला मानसिक त्रास दिला जात होता. गाडीमध्ये सुसाईड नोट असल्याचे सांगितले जाते. मात्र ती आम्हाला दाखवण्यात आलेली नाही. ती सुसाईड नोट आम्हाला दाखवावी तसेच दोषी अधिकाऱ्याचे नाव समोर येत आहे. त्याला थेट शिक्षा व्हावी, अशी मागणी मयत सचिन जाधव यांच्या पत्नी मयुरी जाधव यांनी केली आहे.

माझे पती आत्महत्या करूच शकत नाहीत, असा ठाम दावा करत त्यांनी पोलीस अधीक्षकांची भेट घेऊन न्यायाची मागणी केली. काही दिवसांपूर्वी त्यांच्या पतीचा धुळे - सोलापूर महामार्ग लगत पालीजवळ मृतदेह आढळला होता, माझी फिर्याद नोंदवून आरोपीला तात्काळ अटक करावी, अशीही मागणी त्यांनी पोलीस अधीक्षक कार्यालय परिसरात बोलताना केली.

नेमके प्रकरण काय?

सहा दिवसापूर्वी बीड येथे राज्य कर अधिकारी म्हणून कार्यरत असलेल्या अधिकाऱ्याचा संशयास्पद मृत्यू झाल्याची घटना घडली होती. सचिन जाधवर असे या अधिकाऱ्याचे नाव असून ते दोन दिवसापासून बेपत्ता होते. या संदर्भात त्यांच्या पत्नीने बीडमधील शिवाजीनगर पोलीस ठाण्यात तक्रार देखील दिली होती. सचिन जाधवर यांची कार सोलापूर - धुळे महामार्गालगत आढळून आली. त्या ठिकाणी पोलिसांनी पाहणी केली असता सचिन जाधवर हे कारमध्ये मृत अवस्थेत आढळून आले. तसेच कारमध्ये कोयता आणि मडकं सापडल्याने संशय अधिक बळावला आहे.