शेतकऱ्यांसाठी महत्त्वाची बातमी आहे. नैसर्गिक आपत्तीमुळे पिकाचे नुकसान झाले असेल तर त्यांना मदत मिळणार आहे. त्यांना आधार मिळावा यासाठी खरीप हंगामात विमा उतरवला आहे. या विम्यासाठी शेतकऱ्यांनी कोट्यवधी रुपयांची हिस्सादेखील भरला आहे. आता शेतकऱ्यांना लवकरच विम्याचे पैसे मिळणार असल्याचे सांगत आहेत. दरम्यान, याचसोबत शेतकऱ्यांना ६००० रुपये मिळणार आहेत.

शेतकऱ्यांना मिळणार ६००० रुपये

फेब्रुवारी महिन्यात शेतकऱ्यांना पीएम किसान योजनेचा २२वा हप्ता मिळणार आहे. शेतकऱ्यांना २००० रुपये दिला जाणार आहे. नमो शेतकरी योजनेचाही हप्ता दिला जाणार आहे. नमो शेतकरी योजनेचा आठवा आणि नववा हप्ता दिला जाणार आहे. त्यामुळे नमो शेतकरी योजनेचे ४००० रुपये दिले जाणार आहेत. त्यामुळे शेतकऱ्यांना एकूण ६००० रुपये मिळणार आहेत.

पीएम किसानचा हप्ता मिळवण्यासाठी हे काम कराच (PM kisan Yojana eKYC)

पीएम किसान योजनेचा हप्ता लवकरच शेतकऱ्यांना दिला जाणार आहे. पीएम किसानचा हप्ता मिळवण्यासाठी शेतकऱ्यांना एक काम करायचे आहे. शेतकऱ्यांना केवायसी करणे अनिवार्य आहे. जर केवायसी केले नाही तर योजनेचा लाभ मिळणार नाहीये. त्यामुळे तुम्ही ऑनलाइन पद्धतीने केवायसी करु शकतात. याचसोबत फार्मर आयडी असणेदेखील गरजेचे आहे. जर फार्मर आयडी नसेल तर योजनेचा लाभ मिळणार नाहीये.

शेतकऱ्यांना विम्याची प्रतिक्षा

रब्बी हंगाम संपत आला तरी अजून खरीप हंगामातील विम्याची रक्कम दिलेली नाही. सोलापूरातील बार्शी तालुक्यातील ८७ हजार १३४ शेतकऱ्यांनी विमा भरला होता. सोलापूरातील शेतकऱ्यांना १५२ कोटी विम्यातून मिळणार आहे. दरम्यान, आता याची प्रक्रिया सुरु झाली असल्याचे सांगितले जात आहे. ही प्रक्रिया कधी पूर्ण होणार याकडे शेतकऱ्यांचे लक्ष आहे.