गोंदिया : सततच्या मुसळधार पावसामुळे सर्वत्र पाणी झाले आहे. नद्यांना देखील पुर आहे. याच सततच्‍या पावसामुळे (Heavy Rain) नागरीकांच्या घरात पाणी शिरले आहे. शिवाय, बांधतलावाचे पाणी सुर्याटोला परीसरातील रस्त्यावर आले आहे. (Gindia News Heavy Rain)

गोंदिया (Gondia) जिल्ह्यात सतत सुरू असलेल्या मूसळधार पावसामुळे (Rain) शहरातील बांध तलाव ओव्हर फ्लो झाले आहे. या बांधतलावाचे पाणी सुर्याटोला परीसरातील नागरीकांच्या घरात शिरले असून पाण्यामुळे अनेक नागरीकांना रात्र जागून काढावी लागली. तर मोठ्या प्रमाणात बांधतलावाचे पाणी रस्त्यावर आल्याने या पाण्यातून वाहन काढायचे कसे? असा प्रश्न वाहन चालकांना पडला.

धानपिकांचे नुकसान

सततच्‍या पावसामुळे जिल्ह्यातील धानपिकही पाण्याखाली गेल्याने ते सडण्याची भीती निर्माण झाली आहे. यामुळे शेतकरी चिंतेत आहे. नदीनाले उसंडून वाहत असून जनजीवन विस्कळीत झाले आहे. मात्र जिल्हा प्रशासन सुस्तच असल्याचे चित्र आहे.