परभणी: जिल्ह्यातील गंगाखेड (Parbhani Gangakhed) येथे गटारी निमित्त आयोजित करण्यात आलेल्या बिर्याणी पार्टीनंतर गंगाखेड शहरासह जिल्ह्यात भरात या घटनेचा निषेध होत आहे. ज्या बाळासाहेब ठाकरे सभागृहात ही पार्टी आयोजित केल्याचे बोलले जाते, त्या सभागृहाला आज न.पा कर्मचाऱ्यांकडून धूऊन सारवासारव करण्याची प्रकार समोर आलं आहे. शिवसेनेने धडक नगरपालिकेवर मोर्चा काढत दोशीवर कारवाई मागणी केली आहे. ही बातमी काल साम टीव्ही सर्वप्रथम दाखवल्यावर नगरपालिका प्रशासन खडबडून जागे झाले आहे.

गंगाखेड नगरपालिका सभागृहात रविवारी सायंकाळी साडे सहाच्या दरम्यान गटारी निम्मित चक्क बिर्याणी पार्टीच साजरी केल्याची एक व्हिडिओ क्लिप सद्या जोरदार वायरल होती,गटारी साजरी करण्यासाठी नगरपालिका कर्मचाऱ्यांनी आणि काही हौसी नगर सेवकांनी नगरपालिका सभागृहाची निवड केली,आणि बिर्याणी पार्टी केली,या बिर्याणी पार्टीचा स्वाद काही हौसी नगरसेवकानी घेतल्याची सूत्रांची माहिती आहे, बिर्याणी पार्टी आधीहौसींनी मद्यपान देखील केल्याची चर्चा आहे.

व्हिडीओ वायरल झाल्या नंतर आता काँग्रेस,शिवसेना,मनसे नी कारवाईची मागणी केली. शिवसेनेने तर नगरपालिकेचे मुख्याधिकारी लोमटे याना निलंबित करण्याची मागणी केली. तर आज नगरपालिका कर्मचाऱ्यांकडून हे सभागृह धुण्यात आल्याचे फोटो ही आता वायरल होत आहे. नगरपालिका प्रशासनाकडून आणखीन ही मौन बाळगण्यात येत आहे, यासंदर्भात मुख्य अधिकारी काहीच बोलायला तयार नाहीत. त्यामुळे घडलेल्या प्रकरणावर पाणी फिरवण्याचा हा प्रकार आहे की काय, अशी चर्चा जिल्हाभर रंगू लागल्या आहेत.

Edited By: Pravin Dhamale